టాలీవుడ్ లో పెద్ద ఫ్యామిలీ నుండీ ఎంట్రీ ఇచ్చిన ఏ హీరోకి కూడా మూడు డిజాస్టర్లు పడి ఉండవు. అయితే అక్కినేని థర్డ్ జనరేషన్ హీరో అఖిల్ పరిస్థితి మాత్రం ఇందుకు భిన్నంగా ఉంది. ‘అఖిల్’ ‘హలో’ ‘మిస్టర్ మజ్ను’ ఇలా హ్యాట్రిక్ డిజాస్టర్లతో డీలా పడిపోయాడు. నిజానికి ఎంట్రీకి ముందు అఖిల్ పై అక్కినేని అభిమానుల్లో చాలా అంచనాలు పెట్టుకున్నారు. అయితే అవన్నీ తలక్రిందులైపోయాయనే చెప్పాలి. ఇప్పుడు అర్జెంటు గా అఖిల్ కి ఓ హిట్టు కావాలి. ఈ క్రమంలో సీన్లోకి ఎంట్రీ ఇచ్చాడు ‘గీత ఆర్ట్స్’ అధినేత అల్లు అరవింద్.
అందుతున్న సమాచారం ప్రకారం ‘గీతా ఆర్ట్స్’ లో అఖిల్ నెక్స్ట్ మూవీ చేయడానికి రంగం సిద్దమయిందట. ఈ ప్రెస్టేజియస్ ప్రాజెక్టు ద్వారా అఖిల్ హిట్ కొట్టాలని నాగ్ భావించి ఈ సెటప్ చేసినట్లు టాక్ వినిపిస్తుంది. ఈ చిత్రాన్ని ఓ మీడియం బడ్జెట్ తో రూపొందించి అఖిల్ కి ఓ మంచి హిట్ ఇస్తానని అల్లు అరవింద్… నాగ్ కు హామీ ఇచ్చాడట..! ఈ చిత్రాన్ని ‘గీత గోవిందం’ ఫేమ్ పరుసురామ్(బుజ్జి) లేదా ‘బొమ్మరిల్లు’ భాస్కర్ డైరెక్ట్ చేసే అవకాశం ఉందట. వీరిద్దరి స్క్రిప్టులు విని ఏ కథ నచ్చిందో తనకి చెప్పమని అఖిల్ కి బంపర్ ఆఫర్ ఇచ్చాడట అల్లు అరవింద్. మరి ఈ విషయంలో అఖిల్.. నాగ్ ఎలాంటి నిర్ణయం తీసుకుంటారో చూడాలి..!
