అక్కినేని ఫ్యాన్స్ అందరూ ఇప్పుడు ‘ఏజెంట్’ సినిమా కోసం ఎదురుచూస్తున్నారు. ఆ ఫ్యామిలీ నుంచి హీరోగా ఎంట్రీ ఇచ్చి.. వరుసగా మూడు ఎదురుదెబ్బలు తిన్న అఖిల్.. ‘మోస్ట్ ఎలిజిబుల్ బ్యాచిలర్’ సినిమాతో తొలి సక్సెస్ ను అందుకున్నారు. ఆ తరువాత చేస్తున్న భారీ బడ్జెట్ సినిమా ‘ఏజెంట్’. ఈ సినిమాతో అఖిల్ సూపర్ హిట్ కొడతారని ఫ్యాన్స్ భావిస్తున్నారు. ఇదొక ఫుల్ లెంగ్త్ యాక్షన్ సినిమా. స్టైలిష్ యాక్షన్ ఎంటర్టైనర్స్ ను తెరకెక్కించే దర్శకుడు సురేందర్ రెడ్డి ఈ సినిమాను రూపొందిస్తున్నారు.
ఈ సినిమాపై మొదటి నుంచి మంచి అంచనాలే ఉన్నాయి. అయితే ముందు అనుకున్న ప్రకారం అయితే.. ఈ ఏడాదే ‘ఏజెంట్’ సినిమా థియేటర్లలో విడుదల కావాల్సింది. ముందుగా ఆగస్టులో సినిమాను రిలీజ్ చేయాలనుకున్నారు. ఆ తరువాత క్రిస్మస్ కి వాయిదా వేసుకున్నారు. ఆ తరువాత 2023 సంక్రాంతికి షెడ్యూల్ అవుతున్నట్లు వార్తలొచ్చాయి. కానీ ఈ డేట్స్ ను సినిమా అందుకోలేకపోయింది. చివరికి ఇప్పుడు ఆ సినిమాను ఫిబ్రవరి రిలీజ్ కు ఫిక్స్ చేసినట్లు సమాచారం.
ఒక దశలో వేసవికి వస్తుందని అనుకున్నారు. కానీ ఇప్పటికే సినిమా చాలా ఆలస్యమవుతుండడంతో ఫిబ్రవరిలో రిలీజ్ చేయాలని నిర్ణయించుకున్నారు. ఫిబ్రవరి మూడో వారంలో ‘ఏజెంట్’ సినిమా రిలీజ్ అయ్యే అవకాశాలు ఉన్నట్లు తెలుస్తోంది. ఆ విషయాన్ని ఇప్పుడు అనౌన్స్ చేయనున్నారు. కొత్త సంవత్సరం కానుకగా ఒక స్టైలిష్ పోస్టర్ రిలీజ్ చేయబోతున్న ‘ఏజెంట్’ టీమ్..
అందులోనే రిలీజ్ డేట్ ని మెన్షన్ చేయాలనుకుంటున్నారు. ఏకే ఎంటర్టైన్మెంట్స్ బేనర్ మీద అనిల్ సుంకర నిర్మిస్తున్న ఈ సినిమాలో బాలీవుడ్ మోడల్ సాక్షి వైద్య హీరోయిన్ గా నటిస్తోంది. మలయాళ లెజెండరీ నటుడు మమ్ముట్టి కీలక పాత్ర పోషిస్తున్నారు.
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
