“హలో” సినిమా తర్వాత అఖిల్ జోరు పెంచారు. ప్రస్తుతం తొలి ప్రేమ సినిమాతో సూపర్ హిట్ కొట్టిన వెంకీ అట్లూరి దర్శకత్వంలో నటిస్తున్నారు. ఎస్.ఎస్. థమన్ సంగీతమందిస్తున్న ఈ సినిమా తొలి షెడ్యూల్ లండన్లో జరుగుతోంది. 40 రోజుల పాటు నాన్ స్టాప్ గా కొనసాగనున్న ఈ షెడ్యూల్లో కీలక పార్ట్ కంప్లీట్ చేయనున్నారు. నిధి అగర్వాల్ హీరోయిన్ గా నటిస్తున్న ఈ చిత్రంలో అఖిల్ ప్లే బాయ్ గా కనిపించనున్నారు. ఈ సినిమా తర్వాత కథని కూడా అఖిల్ ఫైనల్ చేసినట్లు తెలిసింది. సుకుమార్ రాసిన కథని ఓకే చేసినట్లు సమాచారం.
సుకుమార్ ద‌ర్శ‌కుడిగానే కాదు, అప్పుడ‌ప్పుడూ నిర్మాత‌గా, ర‌చ‌యిత‌గానూ వ్యవహరించారు. “కుమారి 21 ఎఫ్‌”కి త‌నే కథ అందించారు. సినిమా నిర్మాణంలో భాగం పంచుకున్నారు. ఇప్పుడు మ‌రోసారి త‌న కథని మ‌రో ద‌ర్శ‌కుడి చేతుల్లో పెట్ట‌బోతున్న‌ట్టు ఫిలిం నగర్ వాసులు చెప్పారు. ఆ కథ అఖిల్ నటించబోతున్నట్టు వెల్లడించారు. ఇంకా డైరక్టర్ ఎవరో ఫైనల్ కాలేదు గానీ.. ఈ చిత్రాన్ని అక్కినేని నాగార్జునతో కలిసి సుకుమార్ నిర్మించనున్నట్టు తెలిసింది. వెంకీ అట్లూరి సినిమా పూర్తికాగానే ఈ ప్రాజక్ట్ పట్టాలెక్కనుంది. త్వరలోనే ఈ మూవీ డైరక్టర్ పేరుని అధికారికంగా ప్రకటించనున్నారు.
