Akhil: అఖిల్ విషయంలో నాగ్ తప్పు చేశారా..?

May 17, 2021 / 05:59 PM ISTByFilmy Focus

Join Us

Akhil: అఖిల్ విషయంలో నాగ్ తప్పు చేశారా..?

ఊహ తెలియని వయస్సులోనే సిసింద్రీ సినిమాతో ఘన విజయాన్ని సొంతం చేసుకున్న అఖిల్ సినిమాల్లో హీరోగా ఎంట్రీ ఇవ్వకముందే యాడ్స్ లో నటించి మెప్పించారు. అయితే అఖిల్ హీరోగా ఇప్పటివరకు మూడు సినిమాల్లో నటించగా ఆ మూడు సినిమాలు బాక్సాఫీస్ దగ్గర ఫ్లాప్ అయ్యాయి. మరోవైపు నటుడిగా అఖిల్ మరింత మెరుగవ్వాల్సిన అవసరం ఉందని అక్కినేని ఫ్యాన్స్ నుంచి కామెంట్లు వినిపిస్తున్నాయి. అయితే ఇప్పటివరకు వీవీ వినాయక్ మినహా మరే స్టార్ డైరెక్టర్ డైరెక్షన్ లో నటించని అఖిల్ భవిష్యత్తు ప్రాజెక్టులకు మాత్రం స్టార్ డైరెక్టర్లనే ఎంపిక చేసుకుంటున్నారు.

అఖిల్ హీరోగా తెరకెక్కనున్న ఏజెంట్ సినిమాకు సురేందర్ రెడ్డి దర్శకత్వం వహిస్తుండగా కొరటాల శివ అఖిల్ కాంబినేషన్ లో ఒక సినిమా పట్టాలెక్కనుందని తెలుస్తోంది. మరోవైపు నాగార్జున అఖిల్ విషయంలో తప్పు చేశారనే కామెంట్లు వినిపిస్తున్నాయి. అఖిల్ తొలి సినిమా “అఖిల్” ఫ్లాప్ అయిన తరువాత అఖిల్ తరువాత సినిమాలకు కూడా నాగార్జున స్టార్ డైరెక్టర్లను ఎంపిక చేసుకుని ఉంటే బాగుండేదని కామెంట్లు వినిపిస్తున్నాయి. ప్రస్తుతం అఖిల్ మోస్ట్ ఎలిజిబుల్ బ్యాచిలర్ సినిమాలో నటిస్తుండగా ఈ సినిమా ఈ ఏడాది సెకండాఫ్ లో రిలీజ్ కానుంది.

Akhil Akkineni injured on the sets of Most Eligible Bachelor movie

బొమ్మరిల్లు భాస్కర్ ఈ సినిమాకు దర్శకత్వం వహిస్తుండగా ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ మధ్య కాలంలో సరైన సక్సెస్ లేని బొమ్మరిల్లు భాస్కర్ ఈ సినిమాతో సక్సెస్ ట్రాక్ లోకి వస్తానని భావిస్తున్నారు. అఖిల్ కు జోడీగా ఈ సినిమాలో పూజా హెగ్డే నటిస్తున్న సంగతి తెలిసిందే.