అఖిల్, విక్రమ్ కుమార్ సినిమాకి ఖరారైన టైటిల్

అక్కినేని ఫ్యామిలీ చిత్రం “మనం”లో అఖిల్ ని గ్రాండ్ గా చూపించిన విక్రమ్ కుమార్ దర్శకత్వంలోనే ఇప్పుడు అతను కొత్త మూవీ చేస్తున్నారు. ఈ సినిమా ప్రస్తుతం హైదరాబాద్ లో చిత్రీకరణ జరుపుకుంటోంది. ఎండలను సైతం లెక్క చేయకుండా అఖిల్ అండ్ కో శ్రమిస్తున్నారు. అన్నపూర్ణ స్టూడియోస్ బ్యానర్లలో నాగార్జున నిర్మిస్తున్న ఈ సినిమాకి “జున్ను”, “ఎక్కడ ఎక్కడ ఉందో తారక” అనే రెండు పేర్లు రిజిస్టర్ చేయించినట్లు తెలిసింది. త్వరలో ఈ రెండింటిన్లో ఒక పేరుని ఖరారు చేయనున్నారు.

ఇక హీరోయిన్ విషయంలో రెండు పేర్లు వినిపిస్తున్నాయి. బాలీవుడ్ బ్యూటీ అలియా బట్ ని హీరోయిన్ గా నటించమని చిత్ర బృందం కోరినట్లు సమాచారం. తాజాగా ఆమె స్థానంలో అనుపమ పరమేశ్వరన్ ని తీసుకునేందుకు సంప్రదింపులు జరుగుతున్నట్లు ఫిలిం నగర్ వాసులు చెప్పుకుంటున్నారు. ఇష్క్, మనం, 24 సినిమాల హిట్లతో హ్యాట్రిక్ అందుకొని ఫుల్ జోష్ లో ఉన్న విక్రమ్ కుమార్  అఖిల్ ఎలాగైనా హిట్ ఇవ్వాలని కష్టపడుతున్నారు.

Also, do SUBSCRIBE to our YouTube channel to get latest Tollywood updates.