ఒక హీరో సినిమాలో మరో హీరో నటించడం కొత్తేమీ కాదు. ఇటీవల కాలంలో మల్టీస్టారర్‌ల రాక పెరగడంతో ఇలాంటి సినిమాలు ఎక్కువయ్యాయి. ఈ క్రమంలో టాలీవుడ్‌ సినిమాలో కోలీవుడ్‌, శాండిల్‌వుడ్‌, మాలీవుడ్‌ నుండి వచ్చి నటిస్తూ వస్తున్నారు. అలా పర భాష నటులు వచ్చి మన దగ్గర నటిస్తున్నారు. అయితే ఈ కోవలోకి ఇప్పుడు బాలీవుడ్‌ని కూడా కలుపుకోవచ్చు. ఇటీవల కాలంలో ఈ తరహా సినిమాలు కూడా పెరుగుతున్నాయి. బాలీవుడ్‌లో ఉన్న విలన్లు మన దగ్గరకు వచ్చి నటించడం పెద్ద కొత్తేం కాదు.
అయితే అక్కడి హీరోలు మన దగ్గరకు వచ్చి విలన్‌ అవ్వడం మాత్రం విషయమే. ఎన్టీఆర్ – కొరటాల శివ ‘దేవర’ సినిమాలో సైఫ్‌ అలీ ఖాన్‌ నటిస్తున్నాడు. ఇందులో క్రూరమైన విలన్‌ పాత్ర అని సమాచారం. ఆ విషయం తెలిసిందే కదా అంటారా? ఇక్కడ విషయం ఆ సినిమా కాదు.. మహేష్‌బాబు సినిమా. అవును సూపర్‌స్టార్‌ సినిమాలో అక్షయ్‌ కుమార్‌ నటించబోతున్నాడట. ఈ మేరకు సోషల్‌ మీడియాలో ఓ వార్త వైరల్‌ అవుతోంది. (Mahesh) మహేష్ బాబు – త్రివిక్రమ్ కాంబినేషన్‌లో ఓ సినిమా తెరకెక్కుతోంది.
ప్రస్తుతం ఈ సినిమాకు పేరు పెట్టే ప్రయత్నాలు జోరుగా సాగుతున్నాయి. త్వరలోనే ఈ సినిమా టైటిల్‌ అధికారికంగా మోషన్‌ పోస్టర్‌ / టీజర్‌తో చెబుతారు అని అంటున్నారు. మే 31ని దానికి డేట్‌గా ఫిక్స్‌ చేశారని కూడా టాక్‌. ఇప్పుడు ఇదే సినిమాలో అక్షయ్‌ నటిస్తున్నాడని అంటున్నారు. సినిమాలో కీలక సమయంలో ఓ స్టార్ హీరో అవసరం ఉందని, దానికి అక్షయ్‌ను కాంటాక్ట్‌ చేశారని టాక్‌. త్రివిక్రమ్ ప్రతి సినిమాలో హీరోతో పాటు మరో బలమైన పాత్ర రాస్తుంటారు.
అలా అక్షయ్‌ కోసం రాశారా? లేక తళుక్కున మెరిసి వెళ్లిపోయే పాత్రనా అనేది తెలియాలి. ఈ సినిమాను తెలుగుతో పాటు హిందీ, తమిళ, కన్నడ, మలయాళ భాషల్లో ఒకేసారి రిలీజ్ చేయడానికి ప్లాన్స్‌ చేస్తున్నారు. ఇందులో పూజా హెగ్డే, శ్రీలీల హీరోయిన్లుగా నటిస్తున్నారు. అంతా అనుకున్నట్లు జరిగితే నానా స్టాపులతో ఆగి, ఆగి ముందుకెళ్తున్న ఈ సినిమాలో నాన్‌స్టాప్‌ హీరో నటిస్తాడన్నమాట.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
Home