హైదరాబాదులోనే అత్యంత ఖరీదైన ఇల్లు ఇదే?

July 4, 2022 / 11:38 AM ISTByFilmy Focus

Join Us

అల్లు అర్జున్, పూజా హెగ్డే జంటగా త్రివిక్రమ్ శ్రీనివాస్ దర్శకత్వంలో తెరకెక్కిన చిత్రం అలా వైకుంఠపురములో సినిమా గురించి ప్రత్యేకంగా చెప్పాల్సిన పనిలేదు. ఈ సినిమా బాక్సాఫీస్ వద్ద అద్భుతమైన విషయాన్ని అందుకుంది. ఈ సినిమాతో పూజా హెగ్డేకు విపరీతమైన క్రేజ్ ఏర్పడిందని చెప్పాలి. ముఖ్యంగా ఈ సినిమాలోనీ పాటలు చిన్నపిల్లల నుంచి పెద్దవారి వరకు విపరీతంగా ఆకట్టుకున్నాయి. ఇదిలా ఉండగా తాజాగా ఈ సినిమాకి సంబంధించిన ఓ విషయం ప్రస్తుతం సోషల్ మీడియాలో వైరల్ గా మారింది.

సాధారణంగా ఏదైనా సినిమా షూటింగ్ చేయాలంటే భారీ సెట్ వేయడం మనకు తెలిసిందే. ఇక ఈ సినిమాలో స్పెషల్ అట్రాక్షన్ గా అల్లు అర్జున్ ఇంటిని చూపించారు. ఈ ఇంటి కోసం హైదరాబాదులో భారీ సెట్ వేయాలని త్రివిక్రమ్ చెప్పారట. అయితే ఇంటి కోసం సెట్ కాకుండా నిజమైన ఇంటిలోనే చేయాలని అల్లు అర్జున్ సూచించారట. ఈ ఇంటి కోసం త్రివిక్రమ్ శ్రీనివాస్ రామోజీ ఫిలిం సిటీలో భారీ సెట్ వేయాలని చెప్పగా అల్లు అర్జున్ ఈ ఇంటి గురించి వెల్లడించారు.

ఈ ఇల్లు ఎన్ టీవీ అధినేత నరేంద్ర చౌదరి గారి కుమార్తె అయిన రచన చౌదరి భర్త ఇల్లు. ఈ ఇల్లు ఖాళీగా ఉండటంతో అల్లు అర్జున్ సినిమా షూటింగ్ ఇంట్లో చేద్దామని త్రివిక్రమ్ శ్రీనివాస్ కి సూచించారట. ఇక అల్లు అర్జున్ సలహా మేరకు ఈ సినిమాని ఈ ఇంటిలో షూటింగ్ చేశారు. ఇక ఈ సినిమాలో ఇంద్ర భవనం లాంటి ఈ ఇల్లు ఎంతో హైలైట్ అయింది.ఇకపోతే ఈ ఇంటి కోసం చేసిన ఖర్చు తెలిస్తే ప్రతి ఒక్కరు ఆశ్చర్య పోవాల్సిందే.

హైదరాబాదులోని అత్యంత ఖరీదైన ఇళ్లల్లో ఈ ఇల్లు కూడా ఒకటి. చూడగానే ఇంద్ర భవనాన్ని తలపించేలా ఉన్నటువంటి ఈ ఇంటి కోసం ఏకంగా 400 కోట్ల రూపాయలు వరుకు ఖర్చు చేసి ఎంతో అందంగా నిర్మించారనీ సమాచారం. అయితే ప్రస్తుతం ఈ ఇంటికి సంబంధించిన ఈ వార్తలు సోషల్ మీడియాలో వైరల్ గా మారింది.ఇక అల్లు అర్జున్ అలా వైకుంఠపురం సినిమా తర్వాత పుష్ప సినిమాతో మంచి విజయాన్ని అందుకున్నారు. త్వరలోనే ఈ సినిమా సీక్వెల్ చిత్రం పుష్ప 2 షూటింగ్ పనులను ప్రారంభించనుంది.