అల్లు అర్జున్ ని కంట్రోల్లో పెట్టుకొనే పాత్రలో పూజ హెగ్డే

చిరంజీవి సినిమాల్లో టాప్ 20 మూవీస్ లో “ఘరానా మొగుడు” కచ్చితంగా ఉంటుంది. ఊర మాస్ మొగుడు పాత్రలో చిరంజీవి యాక్టింగ్, నగ్మా గ్లామర్, రాఘవేంద్రరావు టేకింగ్ సినిమాను సూపర్ హిట్ గా మలిచాయి. ఆ సినిమాలో బాస్ గా నగ్మా, ఆమె కింద పనిచేసే వ్యక్తిగా చిరంజీవి క్యారెక్టరైజేషన్స్ భలే క్రేజీ ఉంటాయి. ఇప్పుడు అదే ఫార్మాట్ ను ఫాలో అవుతున్నాడు త్రివిక్రమ్ శ్రీనివాస్. ఆయన దర్శకత్వంలో తెరకెక్కుతున్న తాజా చిత్రమైన “అల వైకుంఠపురములో” చిత్రంలో అల్లు అర్జున్ ఆఫీస్ ఎంప్లాయ్ గా, అతడికి బాస్ గా పూజా హెగ్డే కనిపించనున్నారు.

సాఫ్ట్ వేర్ బ్యాక్ డ్రాప్ లో సాగే ఈ లవ్ ఎంటర్ టైనర్ లో ఘరానా మొగుడు ఛాయలు పుష్కలంగా ఉన్నాయట. ఇలాగైతే సంక్రాంతి కానుకగా జనవరి 12న విడుదలవుతున్న ఈ చిత్రం మెగా అభిమానులకు ఫుల్ మీల్స్ అనే చెప్పాలి. ఇకపోతే.. ప్రస్తుతం ప్యారిస్ లో సామజవరగమన పాటను ప్రత్యేకంగా చిత్రీకరిస్తున్న చిత్రబృందం త్వరలోనే ఇండియా రానున్నారు.

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!