ఒక్క హిట్టు పై ఇద్దరి కెరీర్లు ఆధారపడ్డాయి!

అల్లు శిరీష్ హీరోగా నటించిన ‘ఏబిసిడి’ చిత్రం మే 17న (రేపు) విడుదల కాబోతుంది. ఈ చిత్రంలో శిరీష్ కు జోడీగా రుక్సార్ దిల్లోన్ నటించింది. సంజీవ్ రెడ్డి అనే కొత్త దర్శకుడు ఈ చిత్రం ద్వారా పరిచయమౌతున్నాడు. ఇక శిరీష్,రుక్సార్ ఆశలన్నీ ‘ఏబిసిడి’ చిత్రం పైనే పెట్టుకున్నారు. 2017లోనే ‘ఆకతాయి’ అనే చిత్రంతో టాలీవుడ్ లు ఎంట్రీ ఇచ్చింది రుక్సార్. తరువాత నాని తో ‘కృష్ణార్జున యుద్ధం’ సినిమాలో చేసింది. అయినప్పటికీ ఈమె హిట్టందుకోలేదు. దీంతో ఈమె కెరీర్ ఇంకా ఆరంభం అన్నట్టే ఉంది. సో ఇలాంటి పరిస్థితుల్లో ఈమెకు ఈ సినిమా హిట్టవ్వడం చాలా ముఖ్యం.

• మహర్షి సినిమా రివ్యూ కోసం ఇక్కడ క్లిక్ చెయ్యండి
• మహర్షి డైలాగ్స్ కోసం ఇక్కడ క్లిక్ చెయ్యండి
• నువ్వు తోపురావ సినిమా రివ్యూ కోసం ఇక్కడ క్లిక్ చెయ్యండి
• జెర్సీ రివ్యూ కోసం ఇక్కడ క్లిక్ చెయ్యండి
• చిత్రలహరి రివ్యూ కోసం ఇక్కడ క్లిక్ చెయ్యండి

ఇక అల్లు శిరీష్ విషయం తెలిసిందే. 2013 లో ‘గౌరవం’ చిత్రంతో ఇండస్ట్రీకి హీరోగా ఎంట్రీ ఇచ్చాడు. పెద్ద ఫామిలీ హీరో కాబట్టి మంచి కథలు, మంచి దర్శకులను ఎంచుకుంటున్నా సరైన క్రేజ్ ను మాత్రం సంపాదించుకోలేకపోతున్నాడు. అలా అని హిట్లు లేవా.. ? అంటే ‘కొత్తజంట’ ‘శ్రీరస్తు శుభమస్తు’ వంటి హిట్లు కూడా ఉన్నాయి. అయితే అవి పూర్తిగా దర్శకుడి టాలెంట్ అకౌంట్లో కొట్టుకుపోయాయి. నటన పరంగా శిరీష్ ప్రేక్షకుల్ని ఆకట్టుకోలేకపోతున్నాడు. మరి ఈసారైనా ‘ఏబిసిడి’ తో ఆకట్టుకుంటాడేమో చూడాలి.

c