Sai Tej: తేజుతో కలిసి నటించబోయే అక్కినేని హీరో ఎవరో తెలుసా?

సీనియర్ స్టార్ హీరోలైన చిరంజీవి, నాగార్జున‌, బాల‌కృష్ణ‌, వెంక‌టేష్‌ లు ఇప్పటికీ తమ హవా కొనసాగిస్తున్నారు. ఇప్పటి స్టార్ హీరోలకి మించి హిట్లిస్తూ తమ సత్తా చాటుతున్నారు. అయితే వీళ్ళ కాంబినేషన్లలో మల్టీ స్టారర్ సినిమాలు రావాలని అప్పటి ప్రేక్షకులతో పాటు ఇప్పటి ప్రేక్షకులు కూడా కోరుకుంటున్నారు.దానికి వీళ్ళు ఎప్పటి నుండో సిద్ధంగా ఉన్నా సరైన కథ దొరకడం లేదు. వెంకటేష్ – నాగార్జున లకు అప్పట్లో మణిరత్నం దర్శకత్వంలో `ఘ‌ర్ష‌ణ‌` సినిమా చేసే అవకాశం వచ్చింది.

కానీ కొన్ని కార‌ణాల వ‌ల్ల వీళ్ళు ఆ మూవీలో నటించలేకపోయారు. చిరంజీవి, నాగార్జున లు అయితే ఎప్పటినుండో క‌లిసి సినిమా చేయాలని ప్లాన్ చేస్తున్నారు. ఇద్దరూ కూడా ‘స్టైల్’ అనే సినిమాలో విడివిడిగా కనిపించారు. కానీ అది మల్టీ స్టారర్ అనలేము.కచ్చితంగా వీరి కాంబోలో అయితే మల్టీ స్టారర్ మూవీ రావడం ఖాయం అనేది ఇండస్ట్రీ మాట. అయితే దానికంటే ముందే మెగా-అక్కినేని మల్టీస్టారర్ రాబోతుందని కథనాలు వినిపిస్తున్నాయి. వివరాల్లోకి వెళితే..ఇటీవల మెగా మేనల్లుడు సాయి తేజ్ ను కలిసి ఓ క‌థ వినిపించాడు ఓ యంగ్ డైరెక్టర్.

ఇద్దరు మెగా హీరోలతో ఈ కథని తెరకెక్కించాలనేది ఆ ద‌ర్శ‌కుడి ఉద్దేశం. కానీ… తేజు మాత్రం.. తనతో పాటు అఖిల్, నాగ‌ చైత‌న్య‌ వంటి అక్కినేని హీరోలలో ఒకరు ఈ ప్రాజెక్టులో హీరోగా చేస్తే బాగుంటుంది అని సూచించాడట. దాంతో ఆ డైరెక్టర్ ఇప్పుడు ఆ క‌థ‌ని పట్టుకుని.. అక్కినేని హీరోల వద్దకి వెళ్ళాడు. అఖిల్, చైతూ… కనుక ఈ ప్రాజెక్టుకి గ్రీన్ సిగ్నల్ ఇస్తే… వెంటనే సెట్స్ పైకి వెళ్లడం గ్యారెంటీ. మరి వాళ్ళు ఓకే అంటారో లేదో చూడాలి..!

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!