స్టార్ హీరో రామ్ చరణ్ శంకర్ డైరెక్షన్ లో భారీ బడ్జెట్ సినిమాలో నటిస్తుండగా ఈ సినిమా తర్వాత చరణ్ గౌతమ్ కాంబినేషన్ లో తెరకెక్కాల్సిన సినిమా ఆగిపోయిందనే సంగతి తెలిసిందే. అయితే గౌతమ్ తిన్ననూరి స్థానంలో బుచ్చిబాబు చేరారని తెలుస్తోంది. బుచ్చిబాబు తొలి సినిమాను వైష్ణవ్ తేజ్ తో తెరకెక్కించి బ్లాక్ బస్టర్ హిట్ ను సొంతం చేసుకున్నారు. ఈ సినిమాతో టాలీవుడ్ కు పరిచయమైన కృతిశెట్టి వరుస విజయాలతో కెరీర్ ను కొనసాగిస్తున్నారు.
ఎన్టీఆర్ బుచ్చిబాబు కాంబినేషన్ లో ఒక సినిమా తెరకెక్కాల్సి ఉండగా ఈ ప్రాజెక్ట్ ఇప్పట్లో తెరకెక్కే అవకాశం లేకపోవడంతో బుచ్చిబాబు రామ్ చరణ్ తో సినిమాను తెరకెక్కించడానికి సిద్ధమయ్యారని తెలుస్తోంది. రామ్ చరణ్ బుచ్చిబాబు కాంబినేషన్ లో తెరకెక్కుతున్న సినిమాకు సంబంధించి అధికారిక ప్రకటన రావాల్సి ఉంది. ఈ కాంబినేషన్ లో సినిమా తెరకెక్కడం మాత్రం గ్యారంటీ అనే అభిప్రాయాలు వ్యక్తమవుతున్నాయి. చరణ్ బుచ్చిబాబు కాంబో మూవీ మైత్రీ మూవీ మేకర్స్ బ్యానర్ లో తెరకెక్కే ఛాన్స్ అయితే ఉంది.
టాలీవుడ్ ప్రముఖ బ్యానర్లలో ఒకటైన మైత్రీ మూవీ మేకర్స్ బ్యానర్ వరుసగా స్టార్ హీరోలతో సినిమాలను నిర్మిస్తున్న సంగతి తెలిసిందే. మైత్రీ మూవీ మేకర్స్ బ్యానర్ లో రామ్ చరణ్ హీరోగా నటించిన రంగస్థలం సినిమా సంచలన విజయం సాధించిన సంగతి తెలిసిందే. అందువల్ల ఈ బ్యానర్ లో నటించడానికి రామ్ చరణ్ కూడా నో చెప్పే అవకాశం దాదాపుగా ఉండదు.
మైత్రీ నిర్మాతలు ఖర్చు విషయంలో కూడా రాజీ పడరు. రాబోయే రోజుల్లో ఈ నిర్మాతలు కొన్ని ఏరియాలలో సినిమాలను సొంతంగా డిస్ట్రిబ్యూషన్ చేసుకోవాలని భావిస్తున్నారు. కొందరు డిస్ట్రిబ్యూటర్లు తప్పు లెక్కలు చెప్పడంతో నిర్మాతలు ఈ నిర్ణయం తీసుకున్నారని బోగట్టా.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home