‘మహర్షి’ చిత్రంలో అల్లరి నరేష్ పాత్ర ఇదే!

టాలీవుడ్ సూపర్ స్టార్ మహేష్ బాబు ప్రస్తుతం వంశీ పైడిపల్లి డైరెక్షన్లో ‘మహర్షి’ చిత్ర షూటింలో బిజీగా ఉన్నసంగతి తెలిసిందే. ఇది మహేష్ బాబుకి 25 వ చిత్రం కావడం విశేషం. రామోజీ ఫిల్మ్‌సిటీలో దాదాపు 10 కోట్లతో వేసిన విలేజ్ సెట్లో చిత్రీకరణ జరుగుతుంది. మహేష్ బాబు అల్లరి నరేష్ ల మధ్య జరిగే కీలక సన్నివేశాల్ని తెరకెక్కిస్తున్నారు. తాజాగా ‘మహర్షి’ లో అల్లరి నరేష్ పాత్ర గురించి ఒక వార్త ఫిలింనగర్లో చక్కర్లు కొడుతుంది.

ఈ చిత్రంలో అల్లరి నరేష్ ‘రవి’ పాత్రను పోషిస్తున్నాడట. పల్లెటూరిలో తిరిగే ఆకతాయి కుర్రాడిగా కనిపించబోతున్నాడని సమాచారం. ఇప్పడి వరకూ నరేష్ కామెడీ హీరోగానే కాకుండా ‘విశాఖా ఎక్ష్ ప్రెస్’ ‘నేను’ వంటి చిత్రాలలో విభిన్న పాత్రలు పోషించిన సంగతి తెలిసిందే. మహర్షి చిత్రంలో కూడా నరేష్ లో కామెడీ యాంగిల్ తో నటనకు ప్రాధాన్యం ఉండే పాత్రలో నరేష్ కనిపించబోతున్నాడట. పల్లెటూరికి వ్యవసాయం చేయడానికి వచ్చే మోడరన్ రైతుగా వచ్చే మహేష్ ను విభేధించి… అటు తర్వాత మహేష్ కు సాయంగా నిలబడే పాత్రలో అల్లరి నరేష్ నటిస్తున్నాడని సమాచారం. ఈ చిత్రాన్ని 2019 ఏప్రిల్ 5 న ఉగాది కానుకగా విడుదల చేయడానికి చిత్ర యూనిట్ ప్లాన్ చేస్తుంది.