నాంది ఎఫెక్ట్.. కంటతడి పెట్టిన అల్లరి నరేష్

కామెడీ హీరోగా తనకంటూ ఒక ప్రత్యేకమైన గుర్తింపు అందుకున్న అల్లరి నరేష్ చాలా రోజుల తరువాత నాంది సినిమాతో ఒక పాజిటివ్ టాక్ ను అందుకున్నాడు. ఎల్లప్పుడూ కామెడీ సినిమాలే కాదు థ్రిల్లర్ కథలతో కూడా హిట్టు కొట్టగలడని నిరూపించాడు. అయితే ఇటీవల మీడియాతో మాట్లాడిన నరేష్ ఒక్కసారిగా ఎమోషనల్ అయ్యాడు. సక్సెస్ వచ్చింది అంటే నమ్మలేకపోతున్నాను అని కంటతడి పెట్టుకున్నాడు. నరేష్ మాట్లాడుతూ.. 2012 ఆగస్ట్ 24న సుడిగాడు విడుదలై మంచి హిట్ టాక్ ను సొంతం చేసుకుంది.

అయితే ఆ తరువాత మళ్ళీ సక్సెస్ చూడలేదు. హిట్ టాక్ అని వినడానికి 8 ఏళ్ళు పట్టింది. ఈ విజయం నా ఒక్కడిదే కాదు. డైరెక్టర్ సినిమాటోగ్రఫర్, నిర్మాత మ్యూజిక్ డైరెక్టర్ అందరూ కష్టపడ్డారు కాబట్టే సినిమా ఇంతటి ఘన విజయాన్ని అందుకుంది. మొత్తానికి ఒక సక్సెస్ అయితే కొట్టాను. నాకు సక్సెస్ రావాలని చాలా మంది కోరుకుంటున్నారు. ముఖ్యంగా సోషల్ మీడియా ద్వారా కొంతమంది అన్నా నువ్వు తప్పకుండా హిట్టు కొట్టాలి.

కమ్ బ్యాక్ ఇవ్వాలని కోరుకున్నారు. నిజానికి నా పూజల కంటే కూడా వారి పూజలే ఎక్కువగా ఫలించాయి. డిఫరెంట్ సినిమాలు తీస్తే ఆడియెన్స్ నుంచి తప్పకుండా సపోర్ట్ వస్తుందని మరోసారి ఋజువయ్యింది. ఇలాంటి సినిమాలు సక్సెస్ అయితేనే మరిన్ని డిఫరెంట్ సినిమాలు రావడానికి ఆస్కారం వుంటుంది. భవిష్యత్తులో ఆడియేన్స్ ఆకట్టుకునేలా మరిన్ని వినూత్నమైన సినిమాలు చేస్తాను.. అని నరేష్ వివరణ ఇచ్చాడు.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!