అల్లరి నరేష్.. ఒకప్పుడు కామెడీకి కేరాఫ్ అడ్రెస్.. తన సినిమా వస్తుందంటే.. మినిమం నవ్వులు గ్యారెంటీ అనుకుని థియేటర్లకు వచ్చేవారు.. కానీ రోటీన్ సినిమాలతో, వరుస ఫ్లాపులతో డీలా పడ్డాడు.. కట్ చేస్తే.. ‘నాంది’ వంటి సీరియస్ ఫిలింతో ప్రేక్షకుల ముందుకొచ్చాడు.. అప్పటి వరకు ఆడియన్స్ చూడని తనలోని కొత్త కోణాన్ని పరిచయం చేశాడు.. అంతకుముందు ‘మహర్షి’ లోనూ సెటిల్డ్ పర్ఫార్మెన్స్‌తో అలరించాడు.. నరేష్ అంటే కేవలం కామెడీనే కాదు.. దర్శకులు తనని సరిగ్గా వాడుకోవాలే కానీ ఎలాంటి క్యారెక్టర్ అయినా చేసి మెప్పించగలడు అనిపించుకున్నాడు..
‘నాంది’ తర్వాత ‘ఇట్లు మారేడుమిల్లి ప్రజానీకం’ అనే మరో సందేశాత్మక చిత్రంలో టీచర్‌గా నటించిన నరేష్.. తనకు ‘నాంది’ తో కమ్ బ్యాక్ ఇచ్చిన దర్శకుడు విజయ్ కనకమేడలతో ‘ఉగ్రం’ అనే మూవీ చేస్తున్నాడు.. షైన్ స్క్రీన్స్ బ్యానర్ మీద హరీష్ పెద్ది, సాహు గారపాటి నిర్మిస్తున్నారు. మిర్నా కథానాయిక.. వెంకట్ కథ, అబ్బూరి రవి మాటలు అందించారు.. రీసెంట్‌గా ఈ సినిమా టీజర్ యువసామ్రాట్ అక్కినేని నాగ చైతన్య చేతుల మీదుగా విడుదలైంది..
నరేష్ సిన్సియర్ అండ్ సీనియర్ పోలీసు అధికారిగా కనిపించాడు.. భార్య, పాప, డ్యూటీనే ప్రపంచంగా బ్రతికే ఓ పోలీస్.. అరాచకాలకు పాల్పడుతున్న రౌడీలకు ఎదురెళ్లడం.. తమ జోలికి వచ్చినందుకు పోలీస్ ఫ్యామిలీని డిస్టర్బ్ చేయడం.. కుటుంబం జోలికొచ్చినందుకు కోపంతో రగిలిపోయిన పోలీస్ తన విశ్వరూపం చూపించడం వంటివి టీజర్‌లో చూపించారు.. నరేష్ నయా అవతార్‌లో.. పవర్ ఫుల్ పోలీస్‌గా డిఫరెంట్‌గా కనిపించి హైప్ క్రియేట్ చేశాడు.. పోలీసు పాత్రలో మరోసారి తన నట విశ్వరూపం చూపించున్నాడనిపిస్తోంది..
సిద్దార్థ్ విజువల్స్, శ్రీ చరణ్ పాకాల బ్యాగ్రౌండ్ స్కోర్ ప్లస్ అయ్యాయి.. ‘నాంది’ కాంబినేషన్‌లో వస్తున్న ‘ఉగ్రం’.. నరేష్, విజయ్ ఇద్దరికీ మరో సూపర్ హిట్ ఇస్తుందనే నమ్మకంతో ఉన్నారు. ప్రస్తుతం రెగ్యులర్ షూటింగ్ జరుపుకుంటున్న ఈ చిత్రాన్ని వేసవిలో విడుదల చేయడానికి సన్నాహాలు చేస్తున్నారు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home
