అల్లు అర్జున్ ఈ ఏడాది త్రివిక్రమ్ డైరెక్షన్లో చేసిన ‘అల వైకుంఠపురములో’ చిత్రంతో కెరీర్ బిగ్గెస్ట్ హిట్ అందుకున్నాడు. ఇప్పుడు అంతకు మించిన హిట్ కొట్టాలి అని సుకుమార్ డైరెక్షన్లో ‘పుష్ప’ అనే పాన్ ఇండియా చిత్రం చేస్తున్నాడు. ఈ చిత్రంలో రష్మిక మందన హీరోయిన్ గా నటిస్తుంది. ఈ చిత్రం షూటింగ్ ఇప్పటికే మొదలుకావాల్సి ఉంది కానీ… లాక్ డౌన్ కారణంగా ఈ చిత్రం షూటింగ్ ఇంకా మొదలు కాలేదు. ప్రస్తుతం ప్రీ ప్రొడక్షన్ పనులను మాత్రం పూర్తి చేస్తున్నారు.
ఈ చిత్రం కోసం పరభాషా నటులను కూడా తీసుకుంటున్నారు. ఇప్పటికే ‘భైరవగీత’ నటుడు ధనుంజయను తీసుకున్నారు. అంతేకాదు బాలీవుడ్ నటుడు సునీల్ శెట్టిని కూడా విలన్ గా తీసుకోనున్నారని కూడా తెలుస్తుంది. ఇది పక్కన పెడితే.. ఇటీవల అల్లు అర్జున్ ఓ ఆంగ్ల మీడియాకు ఇంటర్వ్యూ ఇచ్చాడు. అందులో తనకి ఇష్టమైన సినిమాల గురించి స్పందించాడు. బాలీవుడ్లో తెరకెక్కిన మూడు చిత్రాలంటే ఎంతో ఇష్టమని మన స్టైలిష్ స్టార్ అల్లు అర్జున్ చెప్పుకొచ్చాడు.
అంతేకాదు తనకి బాలీవుడ్ పరిశ్రమ పై కూడా అభిమానముందని కూడా చెప్పుకొచ్చాడు.ఇక నచ్చిన చిత్రాల్లో ‘జో జీతా వహీ సికందర్’ ను 20 సార్లు పైనే చూశాడట. అంతేకాదు షారుఖ్ ఖాన్ హీరోగా నటించిన ‘దిల్ వాలే దుల్హనియా లే జాయేంగే’ చిత్రాన్ని కూడా ఎక్కువసార్లు చూశానని తెలిపాడు. ఇప్పటికీ ఆ చిత్రాన్ని చాలా ప్లెజెంట్ ఫీలింగ్ వస్తుందని తెలిపాడు. ఈ మధ్య వచ్చిన ‘గల్లీబాయ్’ చిత్రం కూడా 3 నుండీ 4 సార్లు చూశానని చెప్పాడు.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
