Allu Arjun: అల్లు స్నేహారెడ్డి ఐడియా మామూలుగా లేదుగా..?

April 14, 2021 / 06:03 PM ISTByFilmy Focus

Join Us

Allu Arjun: అల్లు స్నేహారెడ్డి ఐడియా మామూలుగా లేదుగా..?

స్టార్ హీరోలలో ఒకరైన అల్లు అర్జున్ ఒకవైపు సినిమా షూటింగ్ లతో ఎంత బిజీగా ఉన్నా కుటుంబానికి కూడా ఎంతో ప్రాధాన్యత ఇస్తారు. బన్నీ భార్య అల్లు స్నేహారెడ్డి కూడా సోషల్ మీడియాలో యాక్టివ్ గా ఉండటంతో పాటు పిల్లలకు సంబంధించిన ఫోటోలను, వీడియోలను షేర్ చేస్తూ ఉంటారు. కొన్నిరోజుల క్రితం అల్లు అర్జున్ ఫ్యామిలీ మాల్దీవులకు వెళ్లగా అక్కడ అర్హ, అయాన్ చేసిన అల్లరికి సంబంధించిన ఫోటోలను, వీడియోలను స్నేహారెడ్డి అభిమానులతో పంచుకున్నారు.

తాజాగా స్నేహారెడ్డి తన సోషల్ మీడియా ఖాతాలో ఒక ఫోటోను షేర్ చేయగా ఆ ఫోటోకు నెటిజన్లు ఫిదా అవుతున్నారు. స్నేహారెడ్డి షేర్ చేసిన ఫోటోలో నాలుగు ఫోటోలు ఉన్నాయి. మొదటి ఫోటోలో అల్లు అర్జున్, స్నేహారెడ్డి మాత్రమే ఉండగా రెండో ఫోటోలో అయాన్, మూడో ఫోటోలో అర్హ కూడా చేరారు. నాలుగో ఫోటో ఈ మధ్య కాలంలో దిగిన ఫోటో అని తెలుస్తోంది. నాలుగు ఫోటోలలో బన్నీ స్కూటీ వెనుక ఎగురుతూ గాల్లో తేలుతున్నారు.

ఒకే లొకేషన్ లో, ఒకే స్కూటీపై, ఒకే స్టైల్ లో, ఒకే సైజులో ఈ ఫోటోలు ఉండటం గమనార్హం. బన్నీ భార్య ఐడియా మామూలుగా లేదుగా అంటూ ఒకే ఫోటోలో ఉన్న నాలుగు ఫోటోలను చూసిన నెటిజన్లు ప్రశంసిస్తున్నారు. స్టార్ హీరోయిన్లలో ఒకరైన సమంత సైతం ఈ ఫోటోకు ఫిదా కావడంతో పాటు క్యూట్ అని కామెంట్ చేశారు. మరోవైపు బన్నీ ప్రస్తుతం పుష్ప సినిమా షూటింగ్ తో బిజీగా ఉన్నారు. ఎర్రచందనం స్మగ్లింగ్ కు సంబంధించిన కథతో ఈ సినిమా తెరకెక్కుతోంది.

ఇప్పటికే విడుదలైన పుష్ప టీజర్ ప్రేక్షకుల నుంచి పాజిటివ్ రెస్పాన్స్ ను సొంతం చేసుకుంది. ఈ ఏడాది ఆగష్టు నెల 13వ తేదీన పుష్ప సినిమా రిలీజ్ కావాల్సి ఉండగా సినిమా రిలీజ్ డేట్ మారే అవకాశాలు ఉన్నాయని ఇండస్ట్రీ వర్గాల్లో ప్రచారం జరుగుతోంది.