టాలీవుడ్ లో కొద్దిరోజులుగా ఓ ఇంట్రెస్టింగ్ న్యూస్ చక్కర్లు కొడుతుంది. అది అల్లు అర్జున్ మోసగాళ్లు మూవీలో క్యామియో రోల్ చేస్తున్నారని. మంచు విష్ణు, కాజల్ అగర్వాల్ ప్రధాన పాత్రలో తెరకెక్కుతున్న ఈ ఇండో అమెరికన్ మూవీలో అల్లు అర్జున్ పోలీస్ ఆఫీసర్ రోల్ చేయనున్నారని వార్తలు రావడం జరిగింది. ఐతే అది అధికారికమే అని నేడు స్పష్టత వచ్చింది. మోసగాళ్లు మూవీలో బన్నీ పోలీస్ రోల్ చేస్తున్నట్లు చిత్ర యూనిట్ అధికారికంగా ప్రకటించారు.
ఆ మోసగాళ్లు ఎవరో, వారు చేసిన స్కామ్ ఎంత పెద్దదో బయటపడనున్న అల్లు అర్జున్ అని అధికారిక ప్రకటన విడుదల చేశారు. దీనితో మోసగాళ్లు మూవీలో బన్నీ చేయనున్న ఆ పోలీస్ రోల్ ఏ రేంజ్ లో ఉండనుందో అని ఫ్యాన్స్ మురిసిపోతున్నారు. హాలీవుడ్ దర్శకుడు జెఫ్రీ ఘీ చిన్ తెరకెక్కిస్తున్న ఈ మూవీ ప్రపంచంలోనే అతిపెద్ద ఐటీ స్కామ్ ఆధారంగా తెరకెక్కుతుంది. స్కామ్ చేసే ఐ టి ప్రొఫెషనల్స్ గా మంచు విష్ణు, కాజల్ కనిపించనున్నారని సమాచారం.
మరో విశేషం ఏమిటంటే విష్ణు, కాజల్ అన్నా, చెల్లెలు పాత్ర చేస్తున్నారు. ఈ నేపథ్యంలో క్యామియో రోల్ చేస్తున్న అల్లు అర్జున్, కాజల్ మధ్య మంచి రొమాంటిక్ సన్నివేశం కూడా సెట్ చేసే అవకాశం లేకపోలేదు. బాలీవుడ్ నటుడు సునీల్ శెట్టి ఈ మూవీలో మరో కీలక పాత్ర చేస్తున్నారు. భారీ బడ్జెట్ తో ఈ మూవీ తెరకెక్కుతుండగా, పలు భాషలలో విడుదల కానుంది.
Most Recommended Video
బిగ్‌బాస్‌లో రోజూ వినే గొంతు… ఈయనదే!
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
కోలీవుడ్లో ఎక్కువ పారితోషికం తీసుకునే హీరోలు వీళ్ళే..!
