Allu Arjun: వరల్డ్ వైడ్ ఆడే ఆటలో పుష్పరాజ్!

ఐకాన్ స్టార్ అల్లు అర్జున్ (Allu Arjun)  నటించిన ‘పుష్ప 2’ (Pushpa 2) చిత్రం డిసెంబర్ 5న థియేటర్స్ లో విడుదలకు సిద్ధమవుతోంది. ఈ చిత్రంపై దేశవ్యాప్తంగా భారీ అంచనాలు నెలకొన్నాయి. టాలీవుడ్ లోనే కాకుండా పాన్ ఇండియా స్థాయిలో ఈ చిత్రం సూపర్ హైప్ తో ముందుకు వస్తోంది. ఇప్పటికే మేకర్స్ ఈ సినిమా ప్రీ రిలీజ్ బిజినెస్ ద్వారా సక్సెస్ సాధించారు. ఇప్పుడు ఈ హైప్ ని మరింత పెంచేందుకు పుష్ప టీమ్ ఓ ప్రత్యేక ప్రమోషన్ స్ట్రాటజీని ప్లాన్ చేసింది.

Allu Arjun

ఇందులో భాగంగా ‘పుష్ప 2’ చిత్రాన్ని ప్రపంచ ప్రఖ్యాత గేమ్ ఫ్రీ ఫైర్ తో కలిపే నిర్ణయం తీసుకున్నారు. ఫ్రీ ఫైర్ కి ప్రపంచ వ్యాప్తంగా 50 కోట్ల మంది సబ్ స్క్రైబర్స్ ఉన్నారు. గేమ్ లో పుష్ప రాజ్ క్యారెక్టర్ ని తీసుకురావడం ద్వారా ఈ సినిమా పాపులారిటీని మరింత పెంచుతామని మేకర్స్ ధీమా వ్యక్తం చేస్తున్నారు. ఈ మేరకు ఇటీవల మేకర్స్ చిన్న వీడియో రిలీజ్ చేసి ఈ ప్రచారం ప్రారంభించారు.

ఫ్రీ ఫైర్ గేమ్ లో పుష్ప 2కి సంబంధించి ప్రత్యేకమైన అప్డేట్స్ రాబోతున్నాయని, ఆటగాళ్ళు ఈ అప్డేట్స్ ని ఆస్వాదిస్తారని భావిస్తున్నారు. భారతదేశంలో కూడా గేమింగ్ ప్రభావం ఎంతగా ఉందో మనకు తెలిసిందే. ఈ కొత్త తరహా ప్రమోషన్ ద్వారా ‘పుష్ప 2’ను యూత్ లో మరింత క్రేజ్ పొందేలా చేయనున్నారు. మొబైల్ గేమ్స్ ద్వారా సినిమా ప్రమోషన్స్ చేయడం ఇది కొత్త ట్రెండ్ గా మారింది.

ప్రస్తుతం ‘పుష్ప 2’ చిత్రంలో ఒక ప్రత్యేక ఐటెం సాంగ్ షూట్ జరుగుతోంది. ఈ సాంగ్ లో శ్రీలీల (Sreeleela)  డ్యాన్స్ ద్వారా ప్రేక్షకులను ఆకట్టుకోనున్నారు. ఇప్పటికే ఈ సాంగ్ పోస్టర్స్ విడుదల కావడంతో సాంగ్ పై ఆసక్తి పెరిగింది. ఇక డైరెక్టర్ సుకుమార్ (Sukumar)  మాత్రం పూర్తిగా పోస్ట్ ప్రొడక్షన్ పనులపై దృష్టి పెట్టి, ప్రమోషన్స్ కు దూరంగా ఉంటారనే టాక్ వస్తోంది. చివరగా ఒక ఇంటర్వ్యూలో మాత్రమే ఆయన పాల్గొనే అవకాశం ఉందట.