స్టైలిష్ స్టార్ అల్లు అర్జున్ ఏడాదిన్నర గ్యాప్ తీసుకుని ఈ ఏడాది ‘అల వైకుంఠపురములో’ చిత్రంతో ప్రేక్షకుల ముందుకు వచ్చాడు. సంక్రాంతి కానుకగా విడుదలైన ఈ చిత్రం అసాధారణ విజయాన్ని సొంతం చేసుకుంది. తెలుగు రాష్ట్రాల్లో ఈ చిత్రం ఏకంగా ‘బాహుబలి 1’ కలెక్షన్లనే అధిగమించి బన్నీ బాక్సాఫీస్ స్టామినా ఏంటన్నది మరోసారి నిరూపించింది. ఓ పాన్ ఇండియా చిత్రానికి కూడా సాధ్యం కాని విధంగా ఈ చిత్రం ఏకంగా 161 కోట్ల షేర్ ను రాబట్టింది.
ఇక ఈ చిత్రం తర్వాత బన్నీ… సుకుమార్ డైరెక్షన్ లో తన 20 వ చిత్రం చేయబోతున్నట్టు ప్రకటించిన సంగతి తెలిసిందే. ఈరోజు(ఏప్రిల్ 8న) అల్లు అర్జున్ పుట్టిన రోజు కావడంతో.. తన కొత్త చిత్రానికి సంబంధించిన ఫస్ట్ లుక్ ను కొద్దిసేపటి క్రితమే విడుదల చేసారు. పుష్ప అనే టైటిల్ తో అల్లు అర్జున్ – సుకుమార్ చిత్రం తెరకెక్కుతోన్నట్టు నిర్మాతలు సోషల్ మీడియాలో ప్రకటించారు. ఈ చిత్రంలో బన్నీ … పుష్ప రాజ్ అనే పాత్ర పోషిస్తున్నాడు. విడుదల చేసిన బన్నీ లుక్ చాలా రష్టిక్ గా ఉంది.
ఇలాంటి లుక్ తమిళ హీరోలు మాత్రమే ట్రై చేస్తారు ..తెలుగు హీరోలు చెయ్యరు అనే అపోహల ను.. బన్నీ ఈ లుక్ తో తుడిచిపెట్టేసాడు అని చెప్పాలి. ఎంతో ఇంటెన్సిటీ తో కూడుకుని ఈ లుక్ ఉంది. ఈ చిత్రం పాన్ ఇండియా లెవెల్లో రూపొందుతుంది. తెలుగుతో పాటు తమిళ్,హిందీ,మలయాళం,కన్నడ భాషల్లో ఈ చిత్రం విడుదల కాబోతుంది. ఎర్రచందనం బ్యాక్ డ్రాప్ లో దర్శకుడు సుకుమార్ ఈ చిత్రాన్ని తెరకెక్కిస్తున్నాడు.ఇక ‘రంగస్థలం’ తో నాన్ బాహుబలి ఇండస్ట్రీ హిట్ అందుకున్న సుకుమార్.. అలాగే ‘అల వైకుంఠపురములో’ చిత్రంతో ఈ ఏడాది నాన్-బాహుబలి ఇండస్ట్రీ హిట్ అందుకున్న అల్లు అర్జున్… కలిసి చేస్తున్న ఈ పాన్ ఇండియా చిత్రం ఏ రేంజ్ లో రికార్డులు నెలకొల్పుతుందో చూడాలి.
Most Recommended Video
టాలీవుడ్ టాప్ హీరోల వరస్ట్ లుక్స్ ఇవే!
17 ఏళ్లలో అల్లు అర్జున్ రిజెక్ట్ చేసిన సినిమాలు ఇవే!
బుల్లితెర పై రికార్డులు క్రియేట్ చేసిన సినిమాలు ఇవే!
Home