Pushpa 2: అనుకున్నదే అయ్యింది.. పుష్పరాజ్ రాక ఎప్పుడంటే?

‘పుష్ప 2’ (Pushpa 2) ఆగస్టు 15న విడుదల చేస్తామని మేకర్స్ ప్రకటించారు.కానీ ఆ డేట్ కి ఈ సినిమా రావడం లేదు అనే టాక్ రెండు, మూడు రోజులుగా నడుస్తుంది. అదే డేట్ కి రామ్‌ (Ram) – పూరీ జగన్నాథ్‌ (Puri Jagannadh) ..ల ‘ఇస్మార్ట్ శంకర్’ (iSmart Shankar) సీక్వెల్ అయిన ‘డబుల్ ఇస్మార్ట్’ (Double Ismart)   రిలీజ్ కాబోతున్నట్లు ప్రకటించడంతో ఒకింత క్లారిటీ అయితే వచ్చింది. కానీ ‘పుష్ప 2’ మేకర్స్ అయితే వెంటనే దాని పై స్పందించలేదు. కొత్త రిలీజ్ డేట్ కూడా అనౌన్స్ చేయలేదు.

అయితే ఈరోజు అనూహ్యంగా కొత్త రిలీజ్ డేట్ అనౌన్స్ చేసి.. వాయిదా వెనుక ఉన్న కారణాలు కూడా చెప్పుకొచ్చారు.కొంత షూటింగ్ పార్ట్‌తో పాటు, పోస్ట్ ప్రొడక్షన్ కార్యక్రమాలు పూర్తి కాకపోవడం వల్ల.. అలాగే క్వాలిటీ విషయంలో ఎక్కడా కాంప్రమైజ్‌ కాకుండా, టెక్నికల్‌గా మరింత అత్యున్నత విలువలతో, సినిమాను ప్రేక్షకుల ముందుకు తీసుకరావాలనే ఉద్దేశంతో ఈ చిత్రాన్ని వాయిదా వేసినట్లు తెలిపారు.ఇదే సమయంలో డిసెంబర్ 6 న ‘పుష్ప 2 ‘ ని ప్రేక్షకుల ముందుకు తీసుకురాబోతున్నట్టు కూడా ఓ పోస్టర్ ద్వారా తెలియజేశారు.

‘పుష్ప’ పార్ట్ 1 (పుష్ప ది రైజ్) 2021 డిసెంబర్ 17 న రిలీజ్ అయ్యి.. తెలుగులోనే కాకుండా అన్ని భాషల్లోనూ సూపర్ సక్సెస్ అందుకుంది. ముఖ్యంగా నార్త్ లో ఆ సినిమా వంద కోట్ల పైగా వసూల్ చేసి పెద్ద సక్సెస్ అయ్యింది. 3 ఏళ్ళ తర్వాత ‘పుష్ప 2 ‘ కూడా డిసెంబర్లోనే రిలీజ్ కాబోతుండటం విశేషం.