అల్లు శిరీష్, అను ఇమ్మాన్యుయేల్ జంటగా దర్శకుడు రాకేష్ శశి రూపొందించిన సినిమా ‘ప్రేమ కాదంట’. ఇది తమిళ సూపర్ హిట్ సినిమా ‘ప్యార్ ప్రేమ కాదల్’కు అఫీషియల్ రీమేక్. జీఏ2 పిక్చర్స్ శ్రీ తిరుమల ప్రొడక్షన్స్ బ్యానర్ ల పై స్టార్ ప్రొడ్యూసర్ అల్లు అరవింద్ సమర్పణలో ధీరజ్ మొగిలినేని ఈ సినిమాను నిర్మించారు. రీసెంట్ గా ఈ సినిమాను నవంబర్ 4న విడుదల చేయబోతున్నట్లు మేకర్స్ ప్రకటించారు.
ఇప్పుడు సినిమా టైటిల్ ను మారుస్తూ.. కొత్త పోస్టర్ ను రిలీజ్ చేశారు. నిజానికి ఈ సినిమా షూటింగ్ పూర్తి చేసుకొని చాలా కాలమవుతుంది. ఇప్పుడు రిలీజ్ పెట్టుకోవడంతో ఫ్రెష్ నెస్ ను తీసుకురావడానికి టైటిల్ మార్చినట్లు తెలుస్తోంది. ‘ఊర్వశివో రాక్షసివో’ అనే టైటిల్ ను ఫిక్స్ చేశారు. కొత్త టైటిల్ ను ప్రకటిస్తూ.. సోమవారం నాడు మరోసారి రిలీజ్ డేట్ గురించి చెప్పారు. అలానే సినిమా టీజర్ ని గురువారం 29న రిలీజ్ చేస్తామని ప్రకటించారు.
చాలా కాలం తరువాత అల్లు శిరీష్ కూడా ఈ సినిమా గురించి ట్వీట్ పెట్టారు. ఈ మధ్యకాలంలో ఆయన ట్రాక్ రికార్డ్ పెద్దగా బాలేదు. ఈ సినిమా హిట్ అవ్వడం శిరీష్ కి చాలా ముఖ్యం. ఇలాంటి సమయంలో ఆయన తన సినిమాను ‘శాకుంతలం’ సినిమాకి పోటీగా రంగంలోకి దింపుతున్నారు.
సమంత, గుణశేఖర్ కాంబినేషన్ లో తెరకెక్కిన ‘శాకుంతలం’ సినిమాను కూడా నవంబర్ 4న విడుదల చేయబోతున్నారు. భారీ బడ్జెట్ తో తెరకెక్కించిన సినిమా ఇది. పైగా దిల్ రాజు నిర్మాతగా వ్యవహరించారు. కాబట్టి ఎక్కువ థియేటర్లలో ఈ సినిమాను రిలీజ్ చేసే ఛాన్స్ ఉంది. మరి అల్లు శిరీష్ ఈ సినిమాతో పోటీ పడి గెలుస్తారేమో చూడాలి!
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
