బుల్లితెర నటుడిగా ఎంతో మంచి గుర్తింపు సంపాదించుకున్నటువంటి అర్జున్ అంబటి గురించి ప్రత్యేకంగా చెప్పాల్సిన పనిలేదు ఈయన బుల్లితెర సీరియల్స్ లో నటిస్తూ మంచి గుర్తింపు పొందారు. తాజాగా ఈయన బిగ్ బాస్ సీజన్ సెవెన్ తెలుగు కార్యక్రమంలో సందడి చేస్తున్న సంగతి తెలిసిందే. బిగ్ బాస్ కార్యక్రమంలో కొనసాగుతున్నటువంటి ఈయనకు తాజాగా ఓ సినిమాలో నటించే అవకాశం వచ్చింది. బిగ్ బాస్ పదవ వారంలో భాగంగా దీపావళి పండుగను పురస్కరించుకొని పలువురు సెలబ్రిటీలు బిగ్ బాస్ వేదికపై సందడి చేసిన సంగతి మనకు తెలిసిందే.
ఈ క్రమంలోనే డైరెక్టర్ బుచ్చిబాబు సైతం బిగ్ బాస్ వేదికపై సందడి చేశారు. ఉప్పెన సినిమా ద్వారా తెలుగు ప్రేక్షకుల ముందుకు డైరెక్టర్ గా పరిచయమైనటువంటి ఈయన మొదటి సినిమాకే నేషనల్ అవార్డు అందుకున్నారు. ఇక తదుపరి సినిమాని రామ్ చరణ్ తో ప్రకటించారు. ప్రస్తుతం రామ్ చరణ్ గేమ్ చేంజర్ సినిమా షూటింగ్ పనులలో బిజీగా ఉన్నారు. ఈ సినిమా తర్వాత బుచ్చిబాబు దర్శకత్వంలో బిజీ కానున్నారు.
ఈ సినిమాలో పలువురు స్టార్ టెక్నీషియన్లు సెలబ్రిటీలు కూడా భాగం కాబోతున్నారని తెలుస్తోంది. ఈ క్రమంలోనే బుచ్చిబాబు బిగ్ బాస్ వేదిక పైకి వచ్చి సందడి చేశారు. ఇలా వేదికపై ఈయన హౌస్ లో ఉన్నటువంటి కంటెస్టెంట్లు అందరితో కూడా మాట్లాడారు. ఈ క్రమంలోనే అర్జున్ అంబటితో బుచ్చిబాబు మాట్లాడుతూ మీకు రామ్ చరణ్ సినిమాలో ఒక పాత్రలో నటించే అవకాశం ఉంది
అంటూ చెప్పగా (Ambati Arjun) అర్జున్ అంబటి ఎంతో సంతోషం వ్యక్తం చేస్తూ థాంక్యూ బుచ్చన్న అంటూ సంతోషం వ్యక్తం చేశారు. బిగ్ బాస్ కార్యక్రమంలో కొనసాగుతూ ఉండగానే ఈయనకు ఏకంగా రామ్ చరణ్ సినిమాలో నటించే అవకాశం రావడంతో అభిమానులు కూడా ఎంతో సంతోషం వ్యక్తం చేస్తున్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home