హైదరాబాద్లో మెరిసిన అమ్రిష్ పూరి మనవడు..!

కొంతమంది బాలీవుడ్ నటులు తెలుగులో కూడా తమదైన ముద్ర వేసుకున్నారు. అలాంటి దిగ్గజ నటుల్లో అమ్రిష్ పూరి (Amrish Puri) ఒకరు. ‘జగదేకవీరుడు అతిలోకసుందరి’ (Jagadeka Veerudu Athiloka Sundari) , ‘ఆదిత్య 369’ (Aditya 369) , ‘కొండవీటి దొంగ’ వంటి ఎన్నో సూపర్ హిట్ సినిమాల్లో నటించి స్టార్ డం సంపాదించుకున్నారు అమ్రిష్ పూరి. అప్పట్లో చాలా కాస్ట్ లీ విలన్ ఇతను.హిందీ, తెలుగు అనే కాదు.. తమిళ, కన్నడ , మలయాళం భాషల్లో రూపొందిన స్టార్ హీరోల సినిమాల్లో కూడా ఇతను నటించి అక్కడ కూడా స్టార్ అనిపించుకున్నారు.

Vardhan Puri

అయితే 2005 లో ఈయన వయసు సంబంధిత సమస్యలతో బాధపడుతూ మరణించారు. ఆ తర్వాత ఈయన వారసులు ఎవ్వరూ సినిమాల్లోకి ఎంట్రీ ఇచ్చింది లేదు. అయితే ఇప్పటికీ అమ్రిష్ పూరి వాయిస్ ను చాలా వేడుకల్లో ఇమిటేట్ చేస్తూనే ఉంటారు కొంతమంది. ఆ విధంగా ఇప్పటికీ అమ్రిత్ పూరిని గుర్తుచేసుకుంటూ ఉంటారు. ఇదిలా ఉండగా.. అమ్రిష్ పూరి వారసుడు అంటే ఆయన మనవడు వర్ధన్ పూరి (Vardhan Puri) ఫోటోలు ప్రస్తుతం సోషల్ మీడియాలో వైరల్ అవుతున్నాయి.

విషయం ఏంటంటే ఈరోజు ఆయన హైదరాబాద్ కి వచ్చాడు. అతనికి సంబంధించిన ఫోటోలు సోషల్ మీడియాలో వైరల్ అవుతున్నాయి. చూడటానికి ఇతను (Vardhan Puri) చాలా బాగున్నాడు. ఇతని లుక్స్ ఆకట్టుకునే విధంగా ఉన్నాయి. ఆల్రెడీ ఇతను సినిమాల్లోకి ఎంట్రీ ఇవ్వడం జరిగింది. ఇతను ఓ థియేటర్ ఆర్టిస్ట్. ప్రఖ్యాత ‘యష్ రాజ్ ఫిల్మ్స్’ సంస్థలో అసిస్టెంట్ డైరెక్టర్‌గా పనిచేస్తూ వచ్చాడు.

2019 లో వచ్చిన ‘యే సాలి ఆషికీ (2019) అనే రొమాంటిక్ థ్రిల్లర్లో హీరోగా కూడా నటించాడు.తర్వాత ‘అసెక్’, ‘దశమి’ వంటి వాటిలో కూడా నటించాడు.ప్రస్తుతం అతను పలు సినిమాల్లో నటిస్తూ బిజీగా గడుపుతున్నాడు. మరి భవిష్యత్తులో తెలుగు సినిమాల్లో కూడా నటిస్తాడేమో చూడాలి.

సుహాస్ ‘జనక అయితే గనక’ ఫస్ట్ రివ్యూ వచ్చేసింది.. ఎలా ఉందంటే?