Jr NTR: ఎన్టీఆర్ రియాలిటీ షో స్టార్ట్ అయ్యేది ఎప్పుడంటే..?

ఒకవైపు వెండితెరపై నటుడిగా ఎంత బిజీగా ఉన్నా యంగ్ టైగర్ ఎన్టీఆర్ బుల్లితెరపై రియాలిటీ షోలకు హోస్ట్ గా చేసే అవకాశం వస్తే ఆ అవకాశాలను వదులుకోవడం లేదు. జూనియర్ ఎన్టీఆర్ హోస్ట్ గా ఎవరు మీలో కోటీశ్వరులు పేరుతో జెమినీ టీవీ ఒక రియాలిటీ షోను ప్లాన్ చేసిన సంగతి తెలిసిందే. అయితే కరోనా సెకండ్ వేవ్ వల్ల ఈ షో తాత్కాలికంగా వాయిదా పడగా ఎన్టీఆర్ పుట్టినరోజు సందర్భంగా ఎలాంటి అప్ డేట్ లేకపోవడంతో ఈ షో ఆగిపోయిందని వార్తలు వచ్చాయి.

జెమినీ టీవీ నుంచి తాజాగా రిలీజైన ఒకే ఒక్క ప్రోమో వైరల్ అవుతున్న రూమర్లకు చెక్ పెట్టింది. త్వరలోనే ఈ షో ప్రారంభం కానుందని జెమినీ టీవీ యాజమాన్యం తెలిపింది. తెలుస్తున్న సమాచారం ప్రకారం ఆగష్టు నెల నుంచి ఈ షో ప్రారంభం అయ్యే అవకాశాలు కనిపిస్తున్నాయి. షెడ్యూల్ ప్రకారం మే చివరి వారం నుంచి ఈ షో ప్రసారం కావాల్సి ఉండగా రెండు వారాలు ఈ షో పోస్ట్ పోన్ కావడం గమనార్హం.

ఎన్టీఆర్ వరుస సినిమాలతో బిజీగా ఉన్నప్పటికీ ఈ షో కొరకు డేట్లు సర్దుబాటు చేశారని సమాచారం. జెమినీ టీవీ ట్విట్టర్ పోస్ట్ లో ఎవరు మీలో కోటీశ్వరులు షో ఆడుతున్న వారి కలలను నెరవేర్చడంతో పాటు షో చూస్తున్న వారికి వినోదాన్ని పంచుతుందని పేర్కొంది. ఎన్టీఆర్ ఫ్యాన్స్ తో పాటు సాధారణ ప్రేక్షకులు సైతం ఈ షో కొరకు ఆసక్తిగా ఎదురు చూస్తున్నారు. గతంలో చిరంజీవి, నాగార్జున స్టార్ మా ఛానెల్ లో మీలో ఎవరు కోటీశ్వరుడు పేరుతో ప్రసారమైన షోకు హోస్ట్ లుగా వ్యవహరించగా జూనియర్ ఎన్టీఆర్ చిరంజీవి, నాగార్జునలను మించి తన హోస్టింగ్ తో మెప్పిస్తారేమో చూడాల్సి ఉంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!