పవన్ స్టార్ పవన్ కళ్యాణ్ హీరోగా నటిస్తున్న వకీల్ సాబ్ సినిమా మరో వారం రోజుల్లో రిలీజ్ కానుంది. ఇప్పటికే విడుదలైన వకీల్ సాబ్ ట్రైలర్ అంచనాలను మించి వ్యూస్ పరంగా కొత్త రికార్డులను క్రియేట్ చేస్తుండటం గమనార్హం. వకీల్ సాబ్ సినిమాకు ఇప్పటివరకు 3 కోట్ల వ్యూస్ రాగా ఆర్ఆర్ఆర్ సినిమా టీజర్ల వ్యూస్ ను ఈ సినిమా బ్రేక్ చేసే అవకాశాలు కనిపిస్తున్నాయి. ఈ సినిమా తెలుగు రాష్ట్రాల్లో రికార్డు స్థాయి థియేటర్లలో విడుదల కానుంది.
తెలుగు రాష్ట్రాల్లోని ప్రేక్షకుల్లో చాలామంది ఇప్పటికే పింక్ మూవీని చూసేసినా వకీల్ సాబ్ సినిమాలో ఫ్లాష్ బ్యాక్ ఎపిసోడ్ ఉండటంతో ఈ సినిమా కోసం ఎదురు చూస్తున్నారు. ఈ సినిమా ఫ్యాష్ బ్యాక్ ఎపిసోడ్ కు సంబంధించి ఒక వార్త ఇండస్ట్రీ వర్గాల్లో చక్కర్లు కొడుతోంది. ఫ్యాష్ బ్యాక్ లో పవన్ కళ్యాణ్ స్టూడెంట్ లీడర్ గా కూడా ఉంటారని హీరోయిన్ శృతిహాసన్ కూడా స్టూడెంట్ గా కనిపిస్తారని సమాచారం.
వకీల్ సాబ్ మూవీలో ఫ్లాష్ బ్యాక్ ఎపిసోడ్ అరగంట సమయం ఉండనుందని తెలుస్తోంది. సినిమాలోని సత్యమేవ జయతే, కంటిపాప పాటలు ఫ్లాష్ బ్యాక్ లో వస్తాయని సమాచారం. కొన్ని కారణాల వల్ల హీరోయిన్ కు దూరమైన పవన్ ముగ్గురు నిస్సహాయ యువతులకు సహాయం చేయాలనే ఉద్దేశంతో మళ్లీ నల్ల కోటు ధరిస్తారని తెలుస్తోంది. వకీల్ సాబ్ మూవీలో కమర్షియల్ అంశాలు పుష్కలంగా ఉన్నాయని సమాచారం. ఈ కమర్షియల్ అంశాలు సినిమాకు ప్లస్ అవుతాయో మైనస్ అవుతాయో చూడాల్సి ఉంది.
పవన్ రీఎంట్రీ సినిమా కావడంతో టికెట్ రేట్లు పెంచినా ఈ సినిమా చూడటానికి పవన్ ఫ్యాన్స్ ఆసక్తి చూపుతున్నారని సమాచారం. వకీల్ సాబ్ సినిమాకు రికార్డు స్థాయిలో ప్రీ రిలీజ్ బిజినెస్ జరగగా ఈ సినిమా ఏ స్థాయిలో కలెక్షన్లను రాబడుతుందో చూడాల్సి ఉంది.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
