టాలీవుడ్ లో ఉన్న టాప్ ప్రొడక్షన్ హౌసెస్ లో అన్నపూర్ణ స్టూడియోస్ ఒకటి. ఏఎన్నార్ మొదలుపెట్టిన ఈ బ్యానర్ లో ఇప్పటివరకు ఎన్నో సినిమాలు వచ్చాయి. ఆ తరువాత అక్కినేని నాగార్జున అన్నపూర్ణ సంస్థ బాధ్యతలు తీసుకున్నారు. ఇందులో భారీ బడ్జెట్ సినిమాలు చేస్తూనే.. కొత్త టాలెంట్ ను ప్రోత్సహించడానికి చిన్న చిన్న సినిమాలు కూడా చేస్తున్నారు. ఈ బ్యానర్ నుండి చివరిగా వచ్చిన చిన్న సినిమా ‘రంగుల రాట్నం’. ఈ సినిమా డిజాస్టర్ అయింది.
ఇందులో రాజ్ తరుణ్ హీరోగా నటించిన సంగతి తెలిసిందే. అయితే ఇప్పుడు మరోసారి రాజ్ తరుణ్ కి అవకాశం ఇచ్చారు. శ్రీనివాస్ గవిరెడ్డి దర్శకత్వంలో అన్నపూర్ణ బ్యానర్ లో సినిమా తెరకెక్కుతోంది. ఇందులో రాజ్ తరుణ్ హీరోగా నటిస్తున్నారు. ఈ సినిమాకి ‘అనుభవించు రాజా’ అనే టైటిల్ ను ఖరారు చేసినట్లు తెలుస్తోంది. టైటిల్ ను బట్టి ఈ సినిమా పక్కా ఎంటర్టైనర్ అని తెలుస్తోంది. ప్రస్తుతం ఈ సినిమా షూటింగ్ దశలో ఉన్నట్లు సమాచారం.
ఇందులో రాజ్ తరుణ్ సరసన కాషిష్ ఖాన్ అనే కొత్త అమ్మాయి హీరోయిన్ గా నటిస్తోంది. ఈ సినిమా రాజ్ తరుణ్ కెరీర్ కి చాలా కీలకం. రాజ్ చివరిగా నటించిన ‘ఒరేయ్ బుజ్జిగా’ సినిమా ఓటీటీ రిలీజై ఓ మోస్తరు విజయాన్ని అందుకుంది. కానీ ఇది హిట్ అని చెప్పలేం. చాలా కాలంగా ఈ కుర్ర హీరో హిట్టు కోసం ఎదురుచూస్తున్నాడు. మరి ఈ సినిమాతో సక్సెస్ అందుకుంటాడేమో చూద్దాం!
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
