‘రాధే శ్యామ్’ చిత్రం షూటింగ్ చాలా వరకు ఫినిష్ అయిపోయింది. పోస్ట్ ప్రొడక్షన్ పనులు కూడా మొదలుపెట్టారు. అయితే కొద్ది పాటి ప్యాచ్ వర్క్ ఉండడంతో ఈ చిత్రం డిలే అవుతూ వస్తుంది. జూలైలో షూటింగ్ తిరిగి ప్రారంభమవుతాయి అని వార్తలు వస్తున్నాయి.ఒక్కసారి షూటింగ్లు మొదలైతే ‘రాధే శ్యామ్’ కు వీలైనంత తొందరగా గుమ్మడికాయ కొట్టేయాలని చిత్ర యూనిట్ సభ్యులు భావిస్తున్నారు. అయితే థియేటర్లు తెరుచుకుని 100 శాతం ఆక్యుపెన్సీతో రన్ అయ్యే వరకు ఈ చిత్రం విడుదలయ్యే అవకాశాలు తక్కువ..!
ఈ విషయాలను పక్కన పెట్టేస్తే.. తాజాగా ‘రాధే శ్యామ్’ గురించి ఓ ఇంట్రెస్టింగ్ న్యూస్ ఫిలింనగర్లో చక్కర్లు కొడుతుంది. అదేంటి అంటే ఈ సినిమాలో హారర్ ఎలిమెంట్స్ కూడా ఉంటాయట. ఇందులో భాగంగా వచ్చే గ్రాఫిక్స్ ప్రేక్షకులను ఆకట్టుకుంటాయని తెలుస్తోంది.అంతేకాదు నేపథ్య సంగీతం కూడా ఆకర్షిస్తుందని టాక్ నడుస్తుంది.అయితే ఈ సినిమాలో కొంచెం ఫాంటసీ ని కూడా మిక్స్ చేస్తున్నారా? అనే అనుమానాలు వ్యక్తమవుతున్నాయి.
కానీ దానిపై స్పష్టత లేదు.ఇక ‘జిల్’ ఫేమ్ రాధాకృష్ణ కుమార్ డైరెక్షన్లో తెరకెక్కుతున్న ఈ చిత్రంలో పూజా హెగ్డే హీరోయిన్ గా నటిస్తున్న సంగతి తెలిసిందే. ప్రియదర్శి, జగపతి బాబు, భాగ్య శ్రీ వంటి వారు కీలక పాత్రలు పోషిస్తున్నారు. ‘డియర్ కామ్రేడ్’ ఫేమ్ జస్టిన్ ప్రభాకరన్ ఈ చిత్రానికి సంగీతం అందిస్తున్నారు. ‘యూవీ క్రియేషన్స్’ మరియు ‘గోపికృష్ణ మూవీస్’ సంస్థలు కలిసి ఈ చిత్రాన్ని భారీ బడ్జెట్ తో నిర్మిస్తున్నాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
