ఎలాంటి బ్యాగ్రౌండ్‌ లేకుండా సినిమాల్లో వచ్చాను, ఇప్పుడు ఇంత వాడిని అయ్యాను అని చెబుతుంటారు విజయ్‌ దేవరకొండ. ఆయన చెప్పిందాట్లో కాస్త నిజం కూడా ఉంది. ఎందుకు కాస్త అనేది ఆఖరున చూద్దాం. అయితే ఇప్పుడు ఆయన బ్యాగ్రౌండ్‌లో ఉండి తమ్ముడు ఆనంద్ దేవరకొండను సినిమాల్లోకి తీసుకొచ్చారు. అయితే ఆ తర్వాత ఆనంద్ తనకు తానుగా కెరీర్‌ను బిల్డ్‌ చేసుకుంటున్నారు. అయితే ఈ క్రమంలో పెద్ద దేవరకొండను చిన్న దేవరకొండ బాగా ఫాలో అవుతున్నారు అనిపిస్తోంది.
ఆనంద్ దేవరకొండ ప్రధాన పాత్రలో ‘గం గం గణేశా’ అనే సినిమా తెరకెక్కింది. ఈ సినిమా నుండి ఇటీవల వచ్చిన పోస్టర్‌లు ఆసక్తికరంగా ఉన్నాయి. అయితే సినిమా బజ్‌ను ఇంకాస్త పెంచేలా సినిమా టీజర్‌ను చిత్రబృందం విడుదల చేసింది. టీజర్ చూస్తుంటే ఆనంద్ ఈ సినిమాతో కూడా హిట్ అందుకునేలా ఉన్నాడు. ఇప్పటికే ‘బేబీ’ సక్సెస్‌ మంచి జోష్‌లో ఉన్న ఆనంద్… ఇప్పుడు ఈ సినిమాతో విజయం సాధిస్తే ఇంకా దూకుడు పెరుగుతుంది అని చెప్పొచ్చు.
ఇక ఈ సినిమా టీజర్ ని గమనిస్తే.. ‘చెడుతనం నిండిపోయిన ఈ ప్రపంచంలో మంచిగా బతకాలి అనుకోవడం పెద్ద చెడు ఆలోచన’ అనే కొటేషన్‌తో ప్రారంభించారు. ఆ తర్వాత అంతా చాలా సరదాగా సాగింది. ‘‘అమ్మాయిలను టీజ్ చేస్తే పెదాలపై నవ్వు రావాలి కానీ, కళ్ల వెంట నీరు రాకూడదు’’ అంటూ అమ్మాయిలకు నచ్చే డైలాగ్‌ను ఆనంద్‌తో చెప్పే ప్రయత్నం చేశారు. ఆ తర్వాత హీరోయిన్‌తో లిప్ లాక్ సీన్‌ కూడా చూపించారు. సినిమాకు ఆ సీన్‌ హైలైట్ అవుతుంది అంటున్నారు.
హైలైట్ విషయం ఏమో కానీ… ఈ విషయంలో (Anand Devarakonda) ఆనంద్ తన అన్నని ఫాలో అవుతున్నట్లు స్పష్టంగా అర్థమవుతోంది. విజయ్‌ కూడా తన సినిమాల్లో ప్రత్యేకంగా కొన్ని సినిమాల్లో ముద్దు సన్నివేశాలు ఉండేలా చూసుకుంటున్నాడు అంటుంటారు. ఇప్పుడు ఆనంద్ కూడా ఆ స్టైల్‌లోకి వచ్చేశాడు అనిపిస్తోంది. చూడాలి ఎన్ని సినిమాల్లో ఇలా చేస్తాడో. ఇక పైన తర్వాత మాట్లాడుదాం అనుకున్న విషయం గుర్తుందిగా… విజయ్‌ వాళ్ల తండ్రి గతంలో దర్శకత్వ శాఖలో కీలకంగా పని చేశారు. ఆ సమయంలో ఆయనకు పరిశ్రమకు చెందినవారితో మంచి సంబంధాలు ఉండేవి అని టాక్‌.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
