Anasuya: మరో మెగా ఆఫర్ పట్టేసిన స్టార్ యాంకర్!

బుల్లితెర స్టార్ యాంకర్ అనసూయ చాలా సినిమాలు చేసినా రంగస్థలం సినిమాతోనే పేరు, గుర్తింపు, పాపులారిటీ వచ్చింది. అనసూయ ఆ సినిమాలోని రంగమ్మత్త పాత్రకు పూర్తిస్థాయిలో న్యాయం చేసి మరిన్ని ఆఫర్లను సొంతం చేసుకున్నారు. ప్రస్తుతం పుష్ప సినిమాలో కూడా అనసూయ ముఖ్యపాత్రలో నటిస్తున్నారు. పుష్ప రెండు భాగాలుగా తెరకెక్కుతుండగా రెండు భాగాల్లోనూ అనసూయ కనిపిస్తారని సునీల్ భార్య పాత్రలో అనసూయ నటిస్తున్నారని తెలుస్తోంది. అయితే తాజాగా అనసూయకు మరో మెగా ఆఫర్ వచ్చినట్టు ఇండస్ట్రీ వర్గాల్లో వినిపిస్తోంది.

మోహన్ రాజా డైరెక్షన్ లో చిరంజీవి హీరోగా తెరకెక్కుతున్న లూసిఫర్ రీమేక్ గాడ్ ఫాదర్ లో అనసూయ కీలక పాత్రలో నటిస్తున్నట్టు సమాచారం. అయితే ఈ మేరకు అధికారక ప్రకటన రావాల్సి ఉంది. ఇప్పటికే విడుదలైన గాడ్ ఫాదర్ పోస్టర్ కు మంచి రెస్పాన్స్ రాగా ఈ సినిమాకు థమన్ సంగీతం అందిస్తున్న సంగతి తెలిసిందే. సుపర్ గుడ్ ఫిల్మ్స్, కొణిదెల ప్రొడక్షన్స్ సంయుక్తంగా ఈ సినిమాను నిర్మిస్తున్నాయి. మరోవైపు అనసూయ ప్రస్తుతం వరుస ఆఫర్లతో బిజీగా ఉన్నారని మహాసముద్రం సినిమాలో కూడా అనసూయ నటిస్తున్నారని వార్తలు వస్తున్నాయి.

అనసూయ బుల్లితెరపై షోలు చేస్తూనే వెండితెరపై వరుసగా ఆఫర్లను అందిపుచ్చుకుంటున్నారు. వరుసగా మెగా హీరోల సినిమాల్లో ఛాన్స్ లను అనసూయ సొంతం చేసుకుంటున్నారు. పర్ఫామెన్స్ కు ప్రాధాన్యత ఉన్న పాత్రలకు అనసూయ గ్రీన్ సిగ్నల్ ఇస్తుండటం గమనార్హం. ప్రస్తుతం యాంకర్ అనసూయ గ్రీన్ సిగ్నల్ ఇచ్చిన సినిమాలు సక్సెస్ సాధిస్తే ఆమెకు మరిన్ని కొత్త ఆఫర్లు వచ్చే అవకాశం ఉంటుంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!