రష్మీ పై శిల్పా చక్రవర్తి కామెంట్స్..!

శిల్పా చక్రవర్తి అప్పట్లో తన యాంకరింగ్ తో ప్రేక్షకులను ఆకట్టుకుంది. కానీ ఎక్కువ కాలం నిలదొక్కుకోలేకపోయింది. గతేడాది ‘బిగ్ బాస్ సీజన్3’ లో వైల్డ్ కార్డు ఎంట్రీ ఇచ్చింది శిల్పా. ఈ షోతో అయినా కాస్త గుర్తింపు తెచ్చుకుని మళ్ళీ ఫామ్లోకి రావాలి అని ఆశపడింది. కానీ ఈమెను ముందు నుండీ ఉన్న కంటెస్టెంట్ లు ఎవ్వరూ సరిగ్గా పట్టించుకోకపోవడంతో ఏక్ నిరంజన్ ని అని ఫీలవుతూ గేమ్ పై ఫోకస్ చెయ్యలేకపోయింది. దాంతో 2 వారాలకు మించి హౌస్ లో ఉండలేకపోయింది.

అదే విషయాన్ని ఈమె కూడా అనేక సార్లు చెప్పుకొచ్చింది. ఇదిలా ఉంటే.. చాలా రోజులుగా లాక్ డౌన్ కారణంగా ఇంట్లోనే ఉంటూ వచ్చిన శిల్పా.. ఇటీవల ఓ ఇంటర్వ్యూలో పాల్గొంది. ఇందులో భాగంగా ఈమె యంకర్ రష్మీ గురించి కొన్ని ఆసక్తి కరమైన విషయాల్ని తెలిపింది. శిల్పా చక్రవర్తి మాట్లాడుతూ.. “నేను రష్మీ ఓకే సారి కెరీర్ ను స్టార్ట్ చేశాం. తెలుగులో ఆమె పెద్దగా సక్సెస్ కాలేదు. బహుసా అప్పుడు ఆమెకు తెలుగు రాకపోవడం వల్లేమో.

దాంతో తమిళ్, మలయాళం.. సినిమాల్లో నటించింది. బాగా స్ట్రగుల్ అయ్యింది. డ్యాన్స్.. రియాలిటీ షోలు కూడా చేసింది.సినిమాల విషయంలో రష్మీకి సరైన క్యారెక్టర్ పడలేదు. అందుకే అక్కడ సక్సెస్ అవ్వలేదని నేను అనుకుంటున్నాను. కానీ ‘జబర్దస్త్’ షోతో బాగా సక్సెస్ అయ్యింది. ఐ యామ్ హ్యాపి.. మొత్తానికి తను సక్సెస్ అయ్యింది. ఆమె చాలా అందంగా ఉంటుంది కూడా” అంటూ రష్మీ గురించి చెప్పుకొచ్చింది శిల్పా.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!