కొన్ని సినిమాల కాన్సెప్టులు వినడానికి బాగుంటాయి, కొన్ని చూడ్డానికి బాగుంటాయి. కానీ.. బాలీవుడ్ లేటెస్ట్ ఫిలిమ్ “అంధా ధున్” ట్రైలర్ మాత్రం కాన్సెప్ట్ తో ఆకట్టుకోవడం మాత్రమే కాదు సినిమా ఎప్పుడు విడుదలవుతుందా అని ప్రేక్షకులు ఎదురుచూసేలా చేసింది. “విక్కీ డోనర్” ఫేమ్ ఆయుష్మాన్ ఖురానా, రాధిక ఆప్టే, టబు ప్రధాన పాత్రల్లో తెరకెక్కిన ఈ చిత్రానికీ “బద్లాపూర్” ఫేమ్ శ్రీరామ్ రాఘవన్ దర్శకుడు. ఈ చిత్రం ట్రైలర్ నిన్న విడుదలైంది.. యూట్యూబ్ లో ట్రెండ్ క్రియేట్ చేయడంతోపాటు.. ట్రైలర్ కంటెంట్ & కాన్సెప్ట్ విశేషమైన ఆసక్తి రేపుతోంది.
ఈ చిత్రంలోని కథానాయకుడు అంధుడిగా నటిస్తూ..పియానో ప్లేయర్ గా సింపతీతో సొమ్ము చేసుకొంటుంటాడు. అనుకోకుండా ఒక హత్య కేసులో సాక్షిగా నిలవాల్సి వస్తుంది. అంధుడిగా తనకున్న ఐడెంటిటీకి ఎలాంటి సమస్య వాటిల్లకుండా తన తెలివితో సదరు హత్య కేసులో నిందితురాలైన టబును పోలీసులకి ఎలా పట్టించాడు? తాను ఎలా బయటపడ్డాడు? అనేది సినిమా కాన్సెప్ట్. అక్టోబర్ 5న విడుదలకానున్న ఈ చిత్రంపై ఏర్పడిన అంచనాలకు సినిమా మినిమం రేంజ్ లో ఉన్నా సూపర్ హిట్ సొంతం చేసుకోవడం ఖాయం. ఈ తరహా కాన్సెప్ట్ ను తెలుగులో కూడా ఎవరైనా తీస్తే చూడాలని ఉంది.
Home