‘మన శంకర వరప్రసాద్ గారు’ తర్వాత దర్శకుడు అనిల్ రావిపూడి(Anil Ravipudi) చేయబోయే సినిమాపై అందరికీ ఒక క్లారిటీ వచ్చింది.విక్టరీ వెంకటేష్ తో అనిల్ రావిపూడి సినిమా లాక్ అయ్యింది.
‘ఎఫ్ 2’ ‘ఎఫ్3’ ‘సంక్రాంతికి వస్తున్నాం’ ‘మన శంకర వర ప్రసాద్ గారు’ తర్వాత వీరి కాంబోలో 5వ సినిమా రాబోతోంది. వీరి అప్ కమింగ్ మూవీలో మరో హీరో కూడా నటించే అవకాశం ఉందని టాక్ నడిచింది.
ఆ హీరో సాయి ధరమ్ తేజ్, కార్తీ, ఫహాద్ ఫాజిల్ అంటూ రకరకాల పేర్లు ప్రచారమయ్యాయి. కానీ ఫైనల్ గా కళ్యాణ్ రామ్ ని ఫిక్స్ చేశాడు అనిల్. అంతేకాదు ఈ ప్రాజెక్టుకి సంబంధించిన వివరాలు ముందుగా మీడియాకి లీక్ అవ్వకుండా చాలా జాగ్రత్తలు తీసుకుంటున్నాడు. మరోవైపు ఈ ప్రాజెక్టుకి సంబంధించిన నిర్మాత ఎవరు అనేది కూడా ఇంకా క్లారిటీ ఇచ్చింది లేదు.
అయినప్పటికీ ప్రాజెక్టుకి సంబంధించిన లీకులు వస్తూనే ఉన్నాయి. తాజాగా సంగీత దర్శకుడిగా భీమ్స్ సిసిరోలియో, ఛాయాగ్రాహకుడిగా సమీర్ రెడ్డి ఈ ప్రాజెక్టుకి కన్ఫర్మ్ అయినట్టు చెబుతున్నారు. మరోవైపు ‘షైన్ స్క్రీన్స్’ ‘సురేష్ ప్రొడక్షన్స్’ సంస్థలు కలిసి ఈ చిత్రాన్ని నిర్మించబోతున్నాయి అనే టాక్ కూడా నడుస్తుంది. హీరోయిన్ విషయంలో కూడా కొన్ని రూమర్స్ వినిపిస్తున్నాయి.
వెంకటేష్ కి జోడీగా స్టార్ హీరోయిన్ కీర్తి సురేష్ ఎంపికైనట్టు వార్తలు వినిపిస్తున్నాయి. వెంకీ వంటి సీనియర్ హీరో సరసన ఈమె నటిస్తుందా? అనే అనుమానాలు కూడా వ్యక్తమవుతున్నాయి. అయితే కీర్తి సురేష్ కి పెళ్లి అయ్యింది. ఇప్పుడు ఆమె చేతిలో ఆఫర్లు పెద్దగా లేవు కాబట్టి.. ఓకే చెప్పే అవకాశాలే ఎక్కువగా ఉన్నాయి. అయితే కళ్యాణ్ రామ్ సరసన హీరోయిన్ గా ఎవరు నటిస్తారు? అనేది ఇప్పుడు చర్చనీయాంశం అయ్యింది. దీనిపై కూడా త్వరలోనే క్లారీటీ రావచ్చు.
