నందమూరి బాలకృష్ణ ‘అఖండ’ సినిమాతో భారీ విజయాన్ని అందుకున్న సంగతి తెలిసిందే. ఈ సినిమా తరువాత వరుస సినిమాలను లైన్ లో పెడుతున్నారు బాలయ్య. ప్రస్తుతం గోపీచంద్ మలినేని దర్శకత్వంలో ఓ సినిమాలో నటిస్తున్నారు. ఇటీవల ఈ సినిమాకి సంబంధించిన ఫస్ట్ లుక్ ను విడుదల చేశారు మేకర్స్. ఇందులో బాలయ్య డ్యూయల్ రోల్ పోషిస్తున్నాడని సమాచారం. ఈ సినిమా తరువాత అనిల్ రావిపూడితో మరో సినిమా చేయబోతున్నారు. ఇప్పటికే ఈ సినిమా కథ లాక్ అయింది.
అయితే ఇదొక మల్టీస్టారర్ సినిమా అని.. ఇందులో బాలయ్యతో పాటు రవితేజ కూడా హీరోగా నటిస్తారని వార్తలొస్తున్నాయి. బాలయ్యకు కథ చెప్పినప్పుడే సెకండ్ హీరో ఉంటారని చెప్పినట్లు ఇలా రకరకాల కథనాలు వస్తున్నాయి. గతంలో అనిల్ రావిపూడి.. రవితేజ కలిసి వర్క్ చేయడంతో ఈ వార్తలు నిజమనే అనుకున్నారు. కానీ ఇందులో నిజం లేదని తెలుస్తోంది. దర్శకుడు అనిల్ రావిపూడి ఓ వెబ్ పోర్టల్ తో మాట్లాడుతూ.. ఈ విషయంపై క్లారిటీ ఇచ్చారు.
ప్రస్తుతం తను ‘ఎఫ్3’ మ్యూజిక్ సిట్టింగ్స్ తో బిజీగా ఉన్నానని.. బాలయ్య సినిమాకి సంబంధించిన స్క్రిప్ట్ ను ఇప్పటికే లాక్ చేశామని చెప్పారు. ఇది సింగిల్ హీరో సినిమా అని క్లారిటీ ఇచ్చారు. ‘ఎఫ్3’ సినిమా రిలీజ్ తరువాత మరిన్ని విషయాలు చెబుతానని అన్నారు. ప్రస్తుతం ‘ఎఫ్3’ సినిమా పనుల్లో బిజీగా ఉన్నాననిస్పష్టం చేశారు. వెంకటేష్, వరుణ్ తేజ్ హీరోలుగా నటిస్తోన్న ఈ సినిమా మే 27న ప్రేక్షకుల ముందుకు రానుంది.
అన్ని వర్గాల ఆడియన్స్ ను మెప్పించే విధంగా ఈ సినిమాను రూపొందిస్తున్నారు. ‘ఎఫ్ 2’ సినిమా పెద్ద హిట్ అవ్వడంతో ఇప్పుడు ‘ఎఫ్ 3’ సినిమాపై అంచనాలు ఏర్పడ్డాయి. దిల్ రాజు నిర్మిస్తోన్న ఈ సినిమా ఏ రేంజ్ లో సక్సెస్ అవుతుందో చూడాలి!
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home