తెలుగు మాస్‌ దర్శకుడు బాలీవుడ్ వెళ్లి సినిమా చేస్తున్నాడు అంటేనే.. ఓ రేంజిలో బజ్‌ ఉంటుంది. అందులోనూ ‘అర్జున్‌ రెడ్డి’ లాంటి సినిమా చేసిన దర్శకుడు అంటే ఇంకా ఉంటుంది. ఏంటీ.. సందీప్ రెడ్డి వంగా గురించేనా మీరు చెబుతోంది అని అంటారా? అవును, ఆయన గురించే హిందీలో ఆయన రణ్‌బీర్‌ కపూర్‌తో ‘యానిమల్‌’ అనే సినిమా చేస్తున్నారు తెలుసు కదా.. ఆ సినిమా గురించే ఇదంతా. సినిమా అనౌన్స్‌ చేసినప్పుడు రణ్‌బీర్‌ లుక్‌ చూసి ఫ్యాన్స్‌, ప్రేక్షకులు ఫిదా అయిపోయారు.
ఇప్పుడు దానిని డబుల్‌ చేసేశారు సందీప్ రెడ్డి వంగా. రణ్‌బీర్‌ కపూర్‌, రష్మిక మందన్న హీరోహీరోయిన్లుగా ‘యానిమల్‌’ సినిమా తెరకెక్కుతోంది. ఈ సినిమా విడుదలకు రెండు నెలలు టైమ్‌ ఉండటంతో టీమ్‌ ప్రమోషన్స్‌ స్టార్ట్‌ చేసింది. అది కూడా ఏ పోస్టర్‌తో కాదు ఓ యాక్షన్‌ వీడియోతో. సినిమా పేరును జస్టిఫై చేస్తూ, సినిమా కాన్సెప్ట్‌ను చెప్పేలా ఈ వీడియోను సిద్ధం చేశారు. ఈ యాభై సెకన్ల వీడియో చూస్తే వెన్నులో వణుకు పుట్టడం ఖాయం అని చెప్పొచ్చు.
హీరో గొడ్డలి చేతపట్టి మాస్క్‌లు ధరించిన శత్రుమూకను తెగనరికే యాక్షన్‌ సన్నివేశాలు ఆ వీడియోలు ఉన్నాయి. ఆ మాస్క్‌లు కూడా మెటల్‌తో పుర్రెల ఆకారంలో చేసినవి కావడంతో ఈ సీన్‌ ఇంకా వైల్డ్‌గా కనిపిస్తోంది. ఓవైపు పంజాబీ సాంగ్‌, మరోవైపు రౌడీల మూక, ఇంకోవైపు రణ్‌బీర్‌ యాక్షన్‌ మొత్తం కలగలిపి ఈ సీన్‌ అయితే సినిమాలో అదిరిపోయేలా ఉంది. ప్రీ టీజర్‌లోనే ఇంత యాక్షన్‌, హింస ఉంది అంటే.. మరి సినిమాలో ఇంకెంత ఉందో అనే ప్రశ్నలూ వినిపిస్తున్నాయి.
టీ సిరీస్ బ్యానర్‌ మీద భూషణ్‌ కుమార్‌, కృష్ణ కుమార్‌, మురాద్‌ ఖేతానీ, ప్రణయ్‌రెడ్డి వంగా నిర్మాతలుగా ఈ సినిమా తెరకెక్కుతోంది. తెలుగు, హిందీ, తమిళ, కన్నడ, మలయాళ భాషల్లో ఆగస్టు 11న సినిమాను విడుదల చేయబోతున్నారు. ఈ మేరకు దేశవ్యాప్తంగా సినిమాను ప్రమోట్‌ చేయడానికి టీమ్‌ ప్లాన్స్‌ చేస్తోంది.
టక్కర్ సినిమా రివ్యూ & రేటింగ్!
ప్రేక్షకులను థియేటర్ కు రప్పించిన సినిమాలు ఇవే..!
అత్యధికంగా రెమ్యునరేషన్ తీసుకుంటున్న మ్యూజిక్ డైరెక్టర్లు వీళ్లేనా..!/a>
కలెక్షన్లలో దూసుకుపోతున్న లేడీ ఓరియంటల్ సినిమాలు ఇవే!
Home