Anirudh: ‘దేవర’ గురించి అనిరుధ్‌ ట్వీట్‌ వైరల్‌.. ఏం రాశారంటే?

‘దేవర’ సినిమా నుండి త్వరలో ఏదో ఒక అప్‌డేట్ ఉంటుంది. జనవరి ఫస్ట్‌కి కానీ, సంక్రాంతికి కానీ సినిమా నుంచి టీజరే రావొచ్చు అని ఇటీవల మన వెబ్‌సైట్‌లో చదివే ఉంటారు. అయితే ఆ టీజర్‌ను ఇప్పుడు విడుదల చేయడానికి వెనుక మరో పెద్ద కారణం ఉంది అనేది గమనార్హం. దీని సంగతి ఆఖరులో చూసుకుందాం. ఇప్పుడు టీజర్‌ న్యూస్‌ గురించి మాట్లాడదాం. ఈ సినిమాలో విషయంలో నిర్మాత కల్యాణ్‌ రామ్‌ ఏం చెప్పకపోయినా… సంగీత దర్శకుడు అనిరుధ్‌ చెప్పేశారు.

ఎన్టీఆర్‌, కొరటాల శివ కాంబినేషన్‌లో తెరకెక్కుతున్న చిత్రం ‘దేవర’. రెండు పార్టులుగా రానున్న ఈ సినిమా తొలి భాగాన్ని ఏప్రిల్‌ 5, 2024న విడుదల చేస్తామని టీమ్‌ ఇప్పటికే ప్రకటించింది. అయితే ఈ సినిమా నుండి అప్‌డేట్స్‌ అయితే ఏమీ రావడం లేదు. కేవలం సినిమా 80 శాతం పూర్తయింది అనేది మత్రమే తెలిసింది. అంత పూర్తయినా ఇంకా ఎందుకు అప్డేట్స్‌ ఇవ్వడం లేదు అనేది ప్రశ్న. అయితే దీనికి సంగీత దర్శకుడు అనిరుథ్‌ (Anirudh) ఆన్సర్‌ ఇచ్చేశారు.

మంగళవారం రాత్రి ఆయన ఈ మేరకు ఓ ట్వీట్‌ చేశారు. దాని వల్ల సినిమా మీద హైప్‌ భారీగా పెరిగిపోయింది అని చెప్పొచ్చు. సినీ వర్గాల సన్నిహితుల సమాచారం మేరకు ‘దేవ‌ర‌’ సినిమా టీజ‌ర్ రెడీ అయిపోయింది. టీజ‌ర్‌కి సంబంధించి మ్యూజిక్‌ వర్క్‌ కూడా పూర్త‌యిపోయింది. సంగీత ద‌ర్శ‌కుడు అనిరుథ్ ఈ మేరకు ఓ ట్వీట్‌ చేశారు. ‘దేవ‌ర టీజ‌ర్‌… ఎగ్జైటెడ్‌’ అంటూ ఫైర్‌ ఎమోజీలు, చప్పట్ల ఎమోజీలు ట్వీట్‌లో పెట్టారు.

కొత్త యేడాదిని పుర‌స్క‌రించుకొని జ‌న‌వ‌రి 1న గానీ, డిసెంబ‌రు 31న గానీ విడుద‌ల చేసే అవ‌కాశం ఉంది. అయితే, సినిమా బడ్జెట్ సమస్యల్లో ఉందని, అందుకే టీజర్‌ను రిలీజ్‌ చేసి.. సినిమా సత్తాను రుచి చూపించి తిరిగి బ్యాలెన్స్‌ సినిమా అయ్యేలా ప్లాన్‌ చేస్తున్నారు అని పుకార్లు వచ్చాయి. అనుకున్నట్లుగానే ఇప్పుడు టీజర్‌ను రిలీజ్ చేస్తున్నారు. కారణమేంటో సినిమా టీమే చెప్పాలి.

సలార్ సినిమా రివ్యూ & రేటింగ్!

డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!