Anjali: అంజలి ఆ సినిమాపై మనసు పారేసుకుందట..!

అవును దిల్ రాజుకి (Dil Raju) అంజలి  (Anjali) ఓ స్పెషల్ రిక్వెస్ట్ పెట్టుకుంది. తెలుగమ్మాయే అయినప్పటికీ అంజలి తమిళ సినిమాలతో పాపులర్ అయ్యింది. ఆమెను తెలుగులో రీ- లాంచ్ చేసింది నిర్మాత దిల్ రాజు అనే చెప్పాలి. ‘సీతమ్మ వాకిట్లో సిరిమల్లె చెట్టు’ (Seethamma Vakitlo Sirimalle Chettu) అనే సినిమాతో అంజలిని తెలుగు ప్రేక్షకుల ముందుకు తీసుకొచ్చాడు దిల్ రాజు. మహేష్ బాబు (Mahesh Babu) , వెంకటేష్ (Venkatesh) ..వంటి స్టార్లు హీరోలు అయినప్పటికీ.. టైటిల్ రోల్ పోషించింది అంజలి అనే చెప్పాలి.

Anjali

ఆ సినిమా హిట్ అవ్వడంతో తర్వాత ఆమెకు తెలుగులో పెద్ద సినిమాల్లో ఛాన్సులు వచ్చాయి. అలాగే దిల్ రాజు బ్యానర్లో అంజలి ‘వకీల్ సాబ్’ (Vakeel Saab)  ‘గేమ్ ఛేంజర్’  (Game Changer) వంటి సినిమాలు కూడా చేసింది. ‘గేమ్ ఛేంజర్’ లో అంజలి చేసిన పాత్రకి మంచి మార్కులే పడ్డాయి. మరి దిల్ రాజుకి అంజలి ఎలాంటి రిక్వెస్ట్ పెట్టుకుంది? వివరాల్లోకి వెళితే… ‘సీతమ్మవాకిట్లో సిరిమల్లెచెట్టు’ సినిమాని రీ-రిలీజ్ చేయాలని అంజలి దిల్ రాజుకి రిక్వెస్ట్ పెట్టుకుంది.

ఆ సినిమా ‘తన కెరీర్ కు మంచి ఊపిచ్చిందని’ ఆమె అభిప్రాయపడింది. ఆమె రిక్వెస్ట్ ను దిల్ రాజు కూడా స్వీకరించారు. ‘ఆ సినిమాను రీ-రిలీజ్ చేయాలని నాకు కూడా కోరిక ఉంది. మంచి టైం చూసి త్వరలోనే ఆ సినిమాని రీ- రిలీజ్ చేసే ప్రయత్నం చేస్తాం’ అంటూ అంజలికి ప్రామిస్ చేశాడు దిల్ రాజు. ఫిబ్రవరిలో ఆ సినిమాని రీ- రిలీజ్ చేసే అవకాశం ఉందని తెలుస్తుంది. అది నిజమే అయితే చిన్నోడు, పెద్దోడు సందడిని మరోసారి ఎంజాయ్ చేయొచ్చు.

సౌత్ హీరోలూ.. అందులో కాస్త తగ్గండి : షారుఖ్ ఖాన్