బాలీవుడ్ దర్శకుడు ఓం రావత్ ఇప్పటికే ఆది పురుష్ టైటిల్ తో రామాయణ కథను తెరపైకి తీసుకు రాబోతున్న విషయం తెలిసిందే. ప్రభాస్ రాముడిగా నటిస్తున్న ఆ సినిమాలో రావణాసుర పాత్రలో సైఫ్ అలీ ఖాన్ నటిస్తున్నాడు. దాదాపు ఆ సినిమా షూటింగ్ పనులు తుది దశకు చేరుకున్నాయి. ఇక బాలీవుడ్ చిత్రనిర్మాత మధు మంతెన నిర్మించబోయే రామాయణం ప్రాజెక్ట్ కూడా భారీ బడ్జెట్ తో ప్రేక్షకుల ముందుకు రానుంది.
ప్రతిష్టాత్మకమైన ఆ పాన్-ఇండియన్ ప్రాజెక్ట్ ను ఎనౌన్స్ చేసు చాలా నెలల గడిచింది. కానీ ఇంతవరకు పూర్తి నటీనటులు వివరాలను తెలియజేయలేదు. దంగల్‌ ఫేమ్‌ నితీష్‌ తివారీ ఈ చిత్రానికి దర్శకత్వం వహించనున్నారు. ఇక మేయిన్ క్యాస్ట్ ను ఇంకా ఫైనల్ అవ్వలేదట.. లేటెస్ట్ అప్‌డేట్ ప్రకారం.. రాముడి పాత్ర కోసం ముందుగా సూపర్ స్టార్ మహేష్ బాబును అనుకున్నట్లు టాక్ వచ్చిన విషయం తెలిసిందే. అయితే మహేష్ దర్శక నిర్మాతలతో పలుమార్లు పాజిటివ్ గానే చర్చలు జరిపినప్పటికి ఇంకా తన తుది నిర్ణయాన్ని చెప్పలేదట.
అలాగే బాలీవుడ్ అగ్ర నటుడు రణబీర్ కపూర్‌ని కూడా రాముడి పాత్ర కోసం అనుకుంటున్నట్లుగా టాక్ అయితే వస్తోంది. ఒకవేళ మహేష్ బాబు ఒప్పుకోకపోతే రణ్ బీర్ ను ఫిక్స్ చేసే ఛాన్స్ ఉన్నట్లు తెలుస్తోంది. మరోవైపు రణ్ బీర్ కూడా ఇంకా తన తుది నిర్ణయాన్ని చెప్పలేదు. ఈ ప్రాజెక్టును కూడా పాన్-ఇండియన్ ప్రాజెక్ట్ గా తెరపైకి తీసుకు రానున్నారు. అన్ని భాషల్లో బలమైన ఇమేజ్ ఉన్న నటీనటులను సెలెక్ట్ చేసుకోవాలని ఆలోచిస్తున్నట్లు సమాచారం.
రవి ఉద్యవార్ కథ రచయితగా ఈ సినిమాను మూడు భాగాలుగా విభజించనున్నట్లు తెలుస్తోంది. దాదాపు 500 కోట్ల భారీ బడ్జెట్‌తో నిర్మించే అవకాశం ఉందట. అల్లు అరవింద్ కూడా మధు మంతెన, నమిత్ మల్హోత్రాతో సహా నిర్మాతగా ఈ ప్రాజెక్ట్ ను నిర్మిస్తున్నారు. ఇక ఈ సినిమాలో రావణాసుర క్యారెక్టర్ కోసం హృతిక్ రోషన్ ను ఫిక్స్ చేశారు.
Most Recommended Video
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!
