జగపతి, రాజశేఖర్ ల బాటలో మరో హీరో!

హీరోలుగా నటించి బోర్ కొట్టి ఇప్పుడు విలన్లుగా మారి తమ ఉనికిని కాపాడుకొంటున్నారు సీనియర్ హీరోలు జగపతిబాబు, రాజశేఖర్ లు. ఇప్పుడు అదే బాటలో పయనించాలనుకొంటున్నాడు ఆర్యన్ రాజేష్. దివంగత దర్శకులు ఇవివి సత్యనారాయణ తనయుడిగా హీరోగా పరిచయమైన ఆర్యన్ రాజేష్ కు “ఎవడిగోల వాడిది” తప్పితే మరో హిట్ సినిమా లేదు.

ఇకపై హీరోగా సక్సెస్ అవుతానన్న నమ్మకం కూడా లేదనుకొంటా అందుకే.. విలన్ గా తన అదృష్టాన్ని పరీక్షించుకోవాలని ఫిక్సయ్యాడు.
అందుకోసం జిమ్ లో గంటలతరబడి కష్టపడుతూ కండలు పెంచుతున్నాడు రాజేష్. తన తమ్ముడు అల్లరి నరేష్ సినిమా ద్వారానే విలన్ గా పరిచయమవ్వాలని రాజేష్ ఆలోచిస్తున్నట్లు టాక్!