Seetimaarr Movie: మరో ఓటీటీ డీల్ సెట్ చేసుకున్న సీటిమార్

September 17, 2021 / 08:51 PM ISTByFilmy Focus

Join Us

Seetimaarr Movie: మరో ఓటీటీ డీల్ సెట్ చేసుకున్న సీటిమార్

యాక్షన్ హీరో గోపీచంద్ చాలా కాలం తర్వాత సిటీ మార్ సినిమాతో బాగానే హడావుడి చేశాడు. ఈ సినిమాకు మొదట ఓటీటీ కంపెనీల నుంచి ఆఫర్స్ బాగానే వచ్చినప్పటికీ కూడా దర్శక నిర్మాతలు ఏమాత్రం ఇంట్రెస్ట్ చూపలేదు. థియేటర్స్ లో విడుదల చేయాలని దర్శకుడు హీరో గత ఏడాది నుంచే నిర్మాతలను ఒప్పిస్తూ వస్తున్నారు. ఇక సిటీ మార్ సినిమా విడుదలైన మూడు రోజుల్లో ఓపెనింగ్స్ బాగానే అందుకుంది. ఇక వీకెండ్ అనంతరం సినిమా కలెక్షన్స్ అయితే ఒక్కసారిగా తగ్గిపోయాయి.

దాదాపు 13కోట్ల ప్రీ రిలీజ్ బిజినెస్ తో థియేటర్స్ లోకి వచ్చిన ఈ మూవీ ఇప్పటి వరకు ఎనిమిది నుంచి తొమ్మిది కోట్ల మధ్యలో షేర్ రాబట్టినట్లు సమాచారం. మరో నాలుగైదు కోట్లు అందుకుంటే లాభాల్లోకి వచ్చినట్లు. ఇక ఈ టైం లో కలెక్షన్స్ రావడం అంటే చాలా కష్టమైన పని. ఇక వీలైనంత త్వరగా ఓటీటీలో విడుదల చేయాలని ఒప్పందం కుదుర్చుకునే ఆలోచనలో ఉన్నారట. గతంలో అమెజాన్ ప్రైమ్ ఒక ఆఫర్ చేయగా అందుకు నిర్మాతలు ఒప్పుకోలేదు.

ఇక ఇప్పుడు అడ్వాన్స్ రిలీజ్ కోసం గతంలో కంటే ఎక్కువ ఎమౌంట్ ను ఆఫర్ చేసినట్లు తెలుస్తోంది. ఇక వచ్చే నెలలోనే సిటీమార్ సినిమా అమెజాన్ ప్రైమ్ లో డైరెక్ట్ గా రిలీజ్ అయ్యే అవకాశం ఉన్నట్లు తెలుస్తోంది. ఇక ఇప్పట్లో అయితే థియేట్రికల్ గా సినిమా లాభాల్లోకి రావడం చాలా కష్టమైన పని. మరి ఓటీటీ రూట్లో ఏ విధంగా లాభాలు అందుకుంటారో చూడాలి..