గతేడాది మూడు డిజాస్టర్లు అందుకున్నాడు రవితేజ. ఆ మూడు సినిమాలు కనీసం 10 కోట్ల షేర్ ను కూడా రాబట్టలేదు. అంతేకాదు రవితేజ మార్కెట్ కూడా బాగా డౌన్ అయ్యింది. దీంతో ఎలాగైనా హిట్టందుకోవాలని ‘డిస్కోరాజా’ చిత్రాన్ని మొదలు పెట్టాడు. ‘ఎక్కడికి పోతావ్ చిన్నవాడా’ వంటి సూపర్ హిట్టిచ్చిన వీఐ ఆనంద్ ఈ చిత్రాన్ని డైరెక్ట్ చేస్తున్నాడు. మొన్నటి వరకూ నత్తనడకలా నడిచిన ఈ చిత్రం షూటింగ్ తిరిగి ఇప్పుడు ఊపందుకుంది. రవితేజ సరసన పాయల్ రాజ్ పుత్ హీరోయిన్ గా నటిస్తుంది. అంతేకాదు ‘నన్ను దోచుకుందువటే’ ఫేమ్ నభా నటేశ్ కూడా మరో హీరోయిన్ గా నటిస్తుంది.
ఇప్పటికే మొదటి షెడ్యూల్ ను పూర్తి చేసుకున్న ఈ చిత్రం ఇప్పుడు రెండవ షెడ్యూల్ షూటింగు జరుపుకుంటుంది. ఈ షెడ్యూల్లో భాగంగా రవితేజ – వెన్నెల కిషోర్ పై కొన్ని సన్నివేశాలను చిత్రీకరిస్తున్నారు. ఈ రోజు .. రేపు వికారాబాద్ లో షూటింగ్ ప్లాన్ చేశారు. అక్కడ కూడా కొన్ని ఆసక్తికరమైన సన్నివేశాలను చిత్రీకరించబోతున్నారట. ‘నేల టికెట్’ ప్రొడ్యూసర్ రామ్ తళ్లూరి నిర్మిస్తున్న ఈ చిత్రంలో మరో హీరోకి కూడా అవకాశం ఉందట.
Home
