స్టార్ డైరెక్టర్ బోయపాటి శ్రీను డైరెక్షన్ లో బాలకృష్ణ హీరోగా తెరకెక్కుతున్న అఖండ సినిమాపై భారీగా అంచనాలు నెలకొన్న సంగతి తెలిసిందే. బాలయ్య, బోయపాటి శ్రీను ఈ నెల 28వ తేదీన సినిమాను రిలీజ్ చేయాలని భావించగా కరోనా సెకండ్ వేవ్ వల్ల అఖండ రిలీజ్ డేట్ మారనుంది. కరోనా కేసులు తగ్గి సాధారణ పరిస్థితులు ఏర్పడితే ఈ సినిమా షూటింగ్ మొదలయ్యే అవకాశాలు ఉన్నాయి. ఇప్పటికే ఈ సినిమాకు సంబంధించి ఒక టీజర్ రిలీజైన సంగతి తెలిసిందే.
అయితే వచ్చే నెల 10వ తేదీన బాలకృష్ణ పుట్టినరోజు సందర్భంగా మరో టీజర్ రిలీజయ్యే అవకాశాలు ఉన్నాయని సమాచారం. బాలకృష్ణ ఈ సినిమాలో రెండు పాత్రల్లో నటిస్తుండగా టీజర్ లో బాలయ్య రెండు పాత్రలు రివీల్ కానున్నాయని తెలుస్తోంది. బాలకృష్ణకు జోడీగా ఈ సినిమాలో ప్రగ్యా జైస్వాల్ నటిస్తున్న సంగతి తెలిసిందే. ప్రస్తుతం ప్రగ్యా జైస్వాల్ చేతిలో ఈ సినిమా మాత్రమే ఉంది. బాలయ్యకు విలన్ గా శ్రీకాంత్ నటిస్తుండగా పూర్ణ ఈ సినిమాలో కీలక పాత్రలో నటిస్తున్నారు.
ఈ మధ్య కాలంలో ఆఫర్లు తగ్గిన శ్రీకాంత్ అఖండ సినిమాపైనే ఆశలు పెట్టుకున్నారు. నాగచైతన్య హీరోగా తెరకెక్కిన యుద్ధం శరణం సినిమాలో శ్రీకాంత్ విలన్ రోల్ లో నటించగా ఆ సినిమా బాక్సాఫీస్ దగ్గర ఫ్లాప్ గా నిలిచింది. లెజెండ్ సినిమాతో జగపతిబాబుకు విలన్ గా గుర్తింపు ఇచ్చిన బోయపాటి శ్రీను శ్రీకాంత్ ను కూడా బిజీ విలన్ గా మారుస్తారేమో చూడాల్సి ఉంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
