Anupama, Pawan Kalyan: పవర్ స్టార్ పై అనుపమకు ఇంత అభిమానమా?

June 13, 2022 / 02:45 PM ISTByFilmy Focus

Join Us

Anupama, Pawan Kalyan: పవర్ స్టార్ పై అనుపమకు ఇంత అభిమానమా?

పవర్ స్టార్ పవన్ కళ్యాణ్ రీఎంట్రీలో వకీల్ సాబ్, భీమ్లా నాయక్ సినిమాలతో బ్యాక్ టు బ్యాక్ బ్లాక్ బస్టర్ హిట్లను సొంతం చేసుకున్నారు. ప్రస్తుతం హరిహర వీరమల్లు, వినోదాయ సిత్తం రీమేక్, భవదీయుడు భగత్ సింగ్ సినిమాలతో పవన్ కళ్యాణ్ బిజీగా ఉన్నారు. ఈ సినిమాలు పూర్తైతే పవన్ కొత్త ప్రాజెక్ట్ లకు సంబంధించి అధికారిక ప్రకటన వెలువడే అవకాశాలు అయితే ఉన్నాయని సమాచారం అందుతోంది. తాజాగా అనుపమ పరమేశ్వరన్ పవర్ స్టార్ పవన్ కళ్యాణ్ గురించి మాట్లాడుతూ ఆసక్తికర విషయాలను వెల్లడించారు.

ప్రేమమ్ తో టాలీవుడ్ ఇండస్ట్రీకి పరిచయమై ప్రస్తుతం వరుస ఆఫర్లతో బిజీగా ఉన్న అనుపమ పరమేశ్వరన్ బటర్ ఫ్లై అనే సినిమాలో నటించగా ఈ సినిమా త్వరలో రిలీజ్ కానుంది. కథ నచ్చడం వల్లే బటర్ ఫ్లై మూవీకి గ్రీన్ సిగ్నల్ ఇచ్చానని యూత్ తో పాటు ఫ్యామిలీ ఆడియన్స్ ను మెప్పించేలా ఈ సినిమా కథాంశం ఉందని అనుపమ తెలిపారు. ఫ్యాన్స్ వల్లే తాను ఈ స్థాయిలో ఉన్నానని ఆమె చెప్పుకొచ్చారు.

మలయాళంలో తన తొలి మూవీ రిలీజైన సమయంలో చాలా ట్రోల్స్ వచ్చాయని అనుపమ కామెంట్లు చేశారు. పవర్ స్టార్ పవన్ కళ్యాణ్ గురించి ఒపీనియన్ చెప్పే స్థాయికి తాను ఇంకా చేరుకోలేదని ఆమె వెల్లడించారు. పవన్ కళ్యాణ్ పెద్ద స్టార్ హీరో అని ఆమె చెప్పుకొచ్చారు. పవన్ కళ్యాణ్ అంటే నాకెంతో ఇష్టమని ఆయన సినిమాలు చూస్తుంటానని ఆమె తెలిపారు.

భీమ్లా నాయక్ మూవీ రిలీజైన సమయంలో బటర్ ఫ్లై హీరో నిహాల్ తో కలిసి తాను సుదర్శన్ థియేటర్ లో సినిమా చూశానని ఆమె చెప్పుకొచ్చారు. థియేటర్ కు వచ్చిన వాళ్లు నన్ను గుర్తు పట్టకుండా బురఖా ధరించానని ఆమె తెలిపారు. ఈ విషయం తెలిసి అనుపమకు పవర్ స్టార్ పవన్ కళ్యాణ్ అంటే ఇంత అభిమానమా అంటూ నెటిజన్ల నుంచి కామెంట్లు వ్యక్తమవుతున్నాయి.