ఆల్రెడీ సాయిధరమ్ తేజ్ సరసన నటించే అవకాశం సొంతం చేసుకొని మెగా హీరోయిన్ గా మారడానికి ప్రయత్నిస్తున్న కేరళ బ్యూటీ అనుపమ పరమేశ్వరన్ కు మరో మెగా ఛాన్స్ లభించింది. మెగా అల్లుడు కళ్యాణ్ కథానాయకుడిగా పరిచయమయ్యేందుకు సన్నద్ధమవుతున్న విషయం తెలిసిందే. కౌశిక్ అనే డైరెక్టర్ ఇంట్రడ్యూస్ అవుతున్న ఈ చిత్రాన్ని సాయి కొర్రపాటి నిర్మిస్తున్నారు. ఈ చిత్రంలో కథానాయికగా అనుపమ పరమేశ్వరన్ ను ఫైనల్ చేశారని తెలుస్తోంది. తొలుత ఒక కొత్త హీరోయిన్ ను అనుకొన్నప్పటికీ మొదటి చిత్రంతోనే కళ్యాణ్ కి గుర్తింపు రావాలంటే క్యాస్టింగ్ తోపాటు హీరోయిన్ కూడా తెలిసిన అమ్మాయి ఉంటే బెటరని భావించిన మెగా క్యాంప్ ను అనుపమను హీరోయిన్ గా సెట్ చేసింది.
ఇకపోతే.. యాక్షన్ లవ్ స్టోరీగా రూపొందనున్న ఈ చిత్రంలో మెగా హీరోలందరూ ఇన్వాల్వ్ అవ్వనున్నారని వినికిడి. అనుపమకు కూడా ప్రస్తుతం తెలుగులో ఆసక్తికరమైన ఆఫర్లు రాకపోతుండడం, మెగా ఫ్యామిలీ సినిమా అంటే మెగా ఫ్యామిలీలోకి ఎంట్రీ లభించడమే కాక మిగతా హీరోల సరసన కూడా నటించే అవకాశాలు వచ్చే ఛాన్స్ లు ఎక్కువగా ఉన్నాయి కాబట్టి ఈ ఆఫర్ ను అంగీకరించి ఉండొచ్చు.
ఇకపోతే.. జనవరి నుంచి రెగ్యులర్ షూట్ కి వెళ్లనున్న ఈ చిత్ర కథకి ప్రస్తుతం మెగా ఫ్యామిలీ ఆస్థాన రచయితలు తుడిమెరుగులు దిద్దుతున్నారు. కళ్యాణ్ ని ఎలాగైనా స్టార్ హీరో చేయాలన్నది చిరంజీవి అభిలాష. కళ్యాణ్ కూడా అనుకొన్న ప్రకారం క్లిక్ అయ్యాడంటే మెగా ఫ్యామిలీ నుంచి మొత్తం 11 మంది హీరోలవుతారు. నెక్స్ట్ నుంచి స్టార్ క్రికెట్ లీగ్ పెడితే ఓన్లీ మెగా ఫ్యామిలీ ప్రత్యేకంగా ఒక టీం ఫామ్ చేసుకొని మరీ ఆడుకోవచ్చు.
Home