‘అఆ’ లో నాగవల్లి పాత్ర స్ఫూర్తితోనే ‘అబ్సెషన్’ తీశారేమో.. అనుపమ షాకింగ్ కామెంట్స్

2026 సమ్మర్లో ‘అబ్సెషన్’ (obsession) అనే హాలీవుడ్ సినిమా రిలీజ్ అయ్యింది. ఇదొక సూపర్ నేచురల్ థ్రిల్లర్ జోనర్ వంటి సినిమా. కేవలం రూ.7 కోట్ల బడ్జెట్లో రూపొందింది. రిలీజ్ రోజున పాజిటివ్ టాక్ తెచ్చుకున్న ఈ సినిమా.. బాక్సాఫీస్ వద్ద ఏకంగా రూ.4000 కోట్లు(గ్రాస్) కలెక్ట్ చేసింది. ఈ సినిమా వసూళ్లు ట్రేడ్ పండితులను సైతం షాక్..కి గురిచేశాయి. టాలీవుడ్ ఫిలిం మేకర్స్..ని మాత్రమే కాదు, దేశవ్యాప్తంగా ఉన్న ఫిలిం మేకర్స్ ని ఆలోచనలో పడేసింది ఈ సినిమా. మరోవైపు ” ‘అబ్సెషన్’ సినిమాపై కొంతమంది నెగిటివ్ కామెంట్లు కూడా చేశారు.

ఈ సినిమాలో అంత విషయం ఏముంది.. జనాలు ఎగబడి చూశారు. రూ.4000 కోట్ల వరకు కలెక్షన్లు ఎలా కురిపించారు’ అంటూ అసహనం వ్యక్తం చేశారు. తాజాగా టాలీవుడ్ స్టార్ హీరోయిన్ అనుపమ పరమేశ్వరన్ సైతం ‘అబ్సెషన్’ సినిమా గురించి కొన్ని షాకింగ్ కామెంట్స్ చేసి వార్తల్లో నిలిచారు. ‘అబ్సెషన్’ సినిమా థీమ్ తన ‘అఆ’ సినిమా నుండీ తీసుకున్నారంటూ పెద్ద సెటైరికల్ కామెంట్ చేసింది. ఆమె వ్యాఖ్యలు ఇప్పుడు హాట్ టాపిక్ గా మారాయి అని చెప్పాలి.

వివరాల్లోకి వెళితే.. అనుపమ పరమేశ్వరన్ లేటెస్ట్ మూవీ ‘క్రేజీ కళ్యాణం’ సినిమా ప్రమోషన్స్ లో భాగంగా విలేకరి సమావేశాన్ని ఏర్పాటు చేశారు. ఇందులో భాగంగా అనుపమ పరమేశ్వరన్ మాట్లాడుతూ.. ” ‘అబ్సెషన్’ లాంటి సినిమా మాదిరి నాదే ఒక మెయిన్ క్యారెక్టర్ ఉండేలా.. ఒక సినిమా చేయాలనే కోరిక ఉంది. వాళ్ళు(అబ్సెషన్ ఫిలిం మేకర్స్) మా ‘అఆ’ సినిమాను చూసి ఇన్స్పైర్ అయ్యి ఆ సినిమా తీశారేమో అనిపిస్తుంది” అంటూ చెప్పుకొచ్చారు.

అలాగే ‘అఆ’ సినిమా గురించి మరింతగా మాట్లాడుతూ.. ” ‘అఆ’ సినిమాకి సీక్వెల్ అంటూ తీస్తే.. అందులో నాగవల్లి(అనుపమ పరమేశ్వరన్) పాత్ర మెయిన్ లీడ్ అయ్యుండాలి” అంటూ తెలిపింది. ఇక 2016 లో వచ్చిన ‘అఆ’ సినిమాని త్రివిక్రమ్ డైరెక్ట్ చేసిన సంగతి తెలిసిందే. నితిన్, సమంత ఈ సినిమాలో హీరో, హీరోయిన్లుగా నటించగా అనుపమ పరమేశ్వరన్ సెకండ్ హీరోయిన్ గా నటించింది. ఆమె పాత్రలో కొంత నెగిటివ్ షేడ్ కూడా ఉంటుంది.