సెక్సీ భామ సన్నీలియోన్ తెలుగు, తమిళ, మలయాళ, హిందీ భాషల్లో తెరకెక్కనున్న ‘వీరమహాదేవి’ (తమిళంలో ‘వీరమాదేవి’) చిత్రంలో నటిస్తున్న విషయం తెలిసిందే. స్టీవ్స్ కార్నర్ నిర్మిస్తున్న ఈ చారిత్రక చిత్రానికి వి.సి.వడివుడియన్ దర్శకత్వం వహిస్తున్నారు. ఈ చిత్రం ప్రీప్రొడక్షన్ వర్క్ ప్రస్తుతం చెన్నైలో జరుగుతోంది. ఈ చిత్రం కోసం సన్నీలియోన్ యుద్ధ కళలను నేర్చుకొంటోంది. అందుకోసం రోజుకి దాదాపు ఆరు గంటలు వెచ్చిస్తోందట ఈ అమ్మడు.
అయితే.. సినిమా అప్డేట్స్ ఇవ్వడం కోసం చిత్ర యూనిట్ కొన్ని పోస్టర్స్ డిజైన్ చేయించింది. ప్రతి అప్డేట్ తోపాటు ఒక ఫోటో వదులుతున్నారు. దాదాపు 200 కోట్ల భారీ బడ్జెట్ తో తెరకెక్కనున్న ఈ చిత్రానికి సంబంధించిన పోస్టర్ చూసి జనాలు నవ్వుకొంటున్నారు. ఎందుకంటే.. ఇప్పటివరకూ ఎలాంటి లుక్ టెస్ట్స్ చేయించకపోవడంతో “వీరమహాదేవి” స్టైల్ లో సన్నీ లియోన్ స్టిల్స్ లేకపోవడంతో “రుద్రమదేవి”లో అనుష్క ఫోటోలను ఫోటోషాప్ లో ఎడిట్ చేసి ట్విట్టర్, ఫేస్ బుక్ లలో పోస్ట్ చేస్తున్నారు. ఆ ఫోటోలు చూసి అనుష్క ఫ్యాన్స్ తోపాటు ట్విట్టర్ జనాలు కూడా నవ్వుకొంటున్నారు.
