స్టార్‌ హీరోయిన్‌ అనుష్కకు దైవభక్తి ఎక్కువనే విషయం మనకు తెలిసిందే. వీలుచిక్కినప్పుడల్లా ఏదో ఒక దేవాలయానికి వెళ్లి వస్తుంటుంది. గతంలో ఆమె పూజలు నిర్వహించిన ఫొటోలు కూడా కొన్ని వైరల్‌ అయ్యాయి. తాజాగా మరోసారి అనుష్క దేవాలయ పర్యటన ఆసక్తి రేపుతోంది. పశ్చిమ గోదావరి జిల్లాలోని పోలవరం ప్రాంతంలో బుధవారం అనుష్క ప్రత్యక్షమైంది. ఎందుకు వచ్చింది, ఏం చేసింది అంటూ అందరూ ఆసక్తిగా చర్చించుకుంటున్నారు. ఇంతకీ అనుష్క అక్కడకు ఎందుకు వెళ్లిందంటే?
అనుష్క బుధవారం పోలవరం పంచాయతి పరిధిలోని పురుషోత్తపట్నంలో ఉన్న మహా నందీశ్వర స్వామి ఆలయంలో పూజలు నిర్వహించింది. ఆమె దేవాలయానికి వెళ్లిన వరకు ఈ విషయం ఎవరికీ తెలియలేదు. పడవలో నది దాటుతున్న సమయంలో అనుష్క ముఖానికి చేతి రుమాలు కట్టుకోవడం వల్ల పెద్దగా ఎవరూ గుర్తు పట్టలేకపోయారట. గుర్తుపట్టిన ఆ కొందరు తీసిన ఫొటోలు ఇప్పుడు వైరల్‌ అవుతున్నాయి. అనుష్క దేవాలయానికి వెళ్లిన సమయంలో ఆమెతోపాటు డిజైనర్‌ ప్రశాంతి తిపిర్నేని ఉన్నారు. పడవ ప్రయాణం సమయంలో అనుష్క పరిసర ప్రాంతాల్ని ఫొటోలు తీస్తూ కనిపించింది.
దేవాలయంలో పూజలు చేశాక అనుష్క పడవలో ప్రయాణిస్తూ కోనసీమ అందాలు వీక్షించిందని చెబుతున్నారు. ఈ సమయంలో కూడా ఎవరూ గుర్తుపట్టకుండా మాస్కు మెయింటైన్‌ చేసి ఉంటుంది మరి. లేకపోతే గుర్తుపట్టి ఫొటోలు దిగేవారు కదా. అయితే ఇక్కడ అర్థం కాని విషయం ఏంటంటే.. అనుష్క ఆ దేవాలయానికే ఎందుకు వెళ్లింది అని. అనుష్కకు భక్తి ఎక్కువని తెలుసు కాని, ఎక్కడో మంగుళూరు నుంచి వచ్చి మరీ పోలవరం లాంటి ప్రాంతంలో ఉన్న దేవాలయాన్ని సందర్శించింది అంటే… ఆ దేవాలయానికి ఏదో మహిమ ఉండి ఉంటుంది అని నెటిజన్లు చర్చించుకుంటున్నారు.
Most Recommended Video
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
