విజయ్ దేవరకొండను బీట్ చేయలేకపోయిన ఎన్టీఆర్

సినిమా విడుదలైన అయిదారు రోజులకి కలెక్షన్స్ తగ్గుముఖం పట్టడం అనేది సర్వసాధారణం. కానీ.. ఒక భారీ బడ్జెట్ సినిమాకి ఇలా జరగడం అనేది చాలా అరుదుగా జరుగుతుంటుంది. “మహానటి, గీత గోవిందం” లాంటి సినిమాలు కూడా అయిదో రోజు కలెక్షన్స్ పరంగా స్టడీగా ఉన్నాయి. కానీ.. ఎన్టీఆర్-త్రివిక్రమ్ ల క్రేజీ & భారీ కాంబినేషన్ లో తెరకెక్కిన “అరవింద సమేత” మాత్రం నిన్న ఓవర్సీస్ లో 300K కూడా వసూలు చేయలేకపోయింది. విజయ్ దేవరకొండ “గీత గోవిందం”, కీర్తి సురేష్ “మహానటి” చిత్రాలు 700K వసూలు చేశాయి. అలాంటిది ఎన్టీఆర్ లాంటి స్టార్ హీరో సినిమా ఓవర్సీస్ లో ఇలా సగం కలెక్షన్స్ తోనే సరిపెట్టుకోవడం అనేది గమనార్హం.

ఇదేమీ ఓటమి కాదు కానీ.. భారీ మొత్తానికి ఓవర్సీస్ హక్కులు సొంతం చేసుకొన్న డిస్ట్రిబ్యూటర్స్ మాత్రం కంగారుపడుతున్నారు. ఇలాగే ఇంకొన్ని రోజులు కంటిన్యూ అయ్యిందంటే.. అక్కడి డిస్ట్రిబ్యూటర్ కు భారీస్థాయిలో నష్టం వాటిల్లే అవకాశం ఉంది. సో, ఓవర్సీస్ ఆడియన్స్ ను దృష్టిలో పెట్టుకొని అరవింద సమేత టీం వారిని ఆకర్షించడం కోసం స్పెషల్ ఆఫర్స్ పెంచడం లేదా అక్కడ ప్రమోషన్స్ చేయడం లాంటివి చేయాలి.