‘జై చిరంజీవ’ సినిమాలో పశుపతి పాత్రతో తెలుగు ప్రేక్షకులకు పరిచయమయ్యాడు అర్బాజ్ ఖాన్. ఆ సినిమాలోని తన సంభాషణల్లో కొన్ని పురాణాలని కలిపేశాడు గుర్తొచ్చిందా..? అఫ్కోర్స్ అదంతా మాటల మాంత్రికుడి చలవే అనుకోండి. విషయానికొస్తే.. ఆ సినిమా తర్వాత ఇన్నాళ్ళకు మళ్ళీ తెలుగు తెరపై కనపడేందుకు ముస్తాబవుతున్నాడు ఈ సల్మాన్ సోదరుడు.
బాలీవుడ్లో నటుడిగా, నిర్మాతగా, దర్శకుడిగా గుర్తింపు తెచ్చకున్న అర్భాజ్ తెలుగు కుర్రహీరో రాజ్ తరుణ్కి విలన్గా నటించనున్నారు. ఏకే ఎంటర్టైన్మెంట్స్ నిర్మాణంలో ‘దొంగాట’ ఫేమ్ వంశీకృష్ణ దర్శకుడిగా రాజ్ తరుణ్ ఓ సినిమా చేస్తోన్న సంగతి తెలిసిందే. అను ఇమాన్యుయెల్ హీరోయిన్గా నటిస్తోన్న ఈ సినిమాలో విలన్ పాత్రలో పేరొందిన నటుడు కనపడతాడని చిత్ర బృందం కొద్దిరోజుల కిందట చెప్పుకొచ్చారు. అయితే ఈ పాత్ర అర్బాజ్ కంటే ముందు గోవింద వద్దకు వెళ్ళిందట. ఆ పాత్రతో గోవింద సంతృప్తి చెందకపోవడంతో దర్శక నిర్మాతలు అర్బాజ్ని ఆశ్రయించారు. అర్బాజ్ ఒకే చెప్పడంతో పదేళ్ల తర్వాత టాలీవుడ్ లో అతడి రీ ఎంట్రీ ఖాయమైంది.
https://www.youtube.com/watch?v=kaP20XDdAZk
