అత్తారింటికి దారేది చిత్రాన్ని తమిళ రీమేక్ కి రంగం సిద్ధం

పవన్ కళ్యాణ్ కెరీర్ లోనే కాకుండా తెలుగు సినిమా చరిత్రలోనే 2013కి బిగ్గెస్ట్ బ్లాక్ బస్టర్ గా నిలిచిన “అత్తారింటికి దారేది” ఆల్రెడీ కన్నడ, మలయాళ భాషల్లో రీమేక్ అయిన విషయం తెలిసిందే. ఇప్పుడు ఈ చిత్రాన్ని తమిళంలో రీమేక్ చేసేందుకు అక్కడి ప్రముఖ నిర్మాణ సంస్థ లైకా సన్నాహాలు చేస్తోంది. ఈమేరకు ఇవాళ అఫీషియల్ స్టేట్ మెంట్ కూడా ఇచ్చింది. అయితే.. ఈ తమిళ రీమేక్ లో ఎవరు నటించబోతున్నారు అనేది మాత్రం వెల్లడించలేదు. బహుశా టాప్ హీరోలు కాకుండా ఎవరైనా యంగ్ హీరోలు ఈ రీమేక్ లో నటించే అవకాశం ఉంది.

సాధారణ కథ-కథనాలతో తెరకెక్కిన “అత్తారింటికి దారేది” చిత్రం ఘన విజయం సాధించడానికి ముఖ్యకారణం పవన్ కళ్యాణ్ ఇమేజ్ రెండోది త్రివిక్రమ్ మ్యాజిక్. విడుదలకు నాలుగు రోజుల ముందే సగం సినిమా ఆన్ లైన్ లో లీకైనా కూడా ఫస్ట్ వీక్ కలెక్షన్స్ కి మాత్రమే కాదు లాంగ్ రన్ కి కూడా ఏమాత్రం ఎఫెక్ట్ అవ్వలేదు. పైగా వంద రోజులు అత్యధిక సెంటర్లలో ఆడింది. మరి తమిళంలో ఈ మ్యాజిక్ రిపీట్ ఆవుతుందో లేదో చూడాలి.