తన ప్రేమ వార్తలపై స్పందించిన అవికా గోర్

బాలిక వధు (చిన్నారి పెళ్ళికూతురు ) సీరియల్ ద్వారా అవికా గోర్ దేశవ్యాప్తంగా మంచి పేరు దక్కించుకుంది. బుల్లితెరలోనే కాకుండా వెండితెరపైనే కూడా అడుగుపెట్టి విజయాలను సొంతం చేసుకుంది. తెలుగులో ఉయ్యాల జంపాలతో హీరోయిన్ గా మారిన ఆమె ఆ తర్వాత సినిమా చూపిస్త మామ, ఎక్కడికి పోతావు చిన్నవాడా సినిమాలతో తెలుగు వారికీ మరింత దగ్గరైంది. ప్రస్తుతం ఆమె హిందీలో షార్ట్ ఫిలిమ్స్ లో నటిస్తూ బిజీగా ఉంది. అయితే ఆమెపై గత కొన్ని రోజులుగా గాసిప్స్ చక్కర్లు కొడుతున్నాయి. బుల్లితెర నటుడు, సహా నటుడు మనీష్ రాయ్ తో అవికా ప్రేమలో ఉన్నట్లు ముంబై మీడియా వెల్లడించాయి.

కొంతకాలంగా డేటింగ్ చేస్తున్నారని కథనాలను ప్రచురించాయి. ఈ వార్తలను చదివిన అవికా షాక్ తింది. వెంటనే ఈ వార్తలను ఖండించింది. ఇందులో వాస్తవం లేదని స్పష్టం చేసింది. “నేను, మనీష్ తో కలిసి నటిస్తున్నప్పుడు నా వయసు 13. మనీశ్‌ వయసు 35. అలాంటప్పుడు ఇద్దరి మధ్య ప్రేమ ఎలా కుదురుతుంది” అని ప్రశ్నించింది. “ఇలాంటి వార్తలు ఎలా వస్తాయో నాకు తెలియదు. ఎవరేం అనుకున్నా నేను, మనీశ్‌ మంచి స్నేహితులం” అని క్లారిటీ ఇచ్చింది.